मदतीच्या महानायकांचा सन्मान
महापुराची आपत्ती कोसळल्यानंतर पूरग्रस्तांसाठी प्रशासकीय यंत्रणेसोबतच सामाजिक संस्था, संघटना प्रतिनिधींनी मदतकार्य केले. कुणी पुराच्या पाण्यात उतरुन पूरग्रस्तांना सुरक्षितस्थळी हलविले, तर कुणी त्यांच्या निवाऱ्याची सोय केली. काहींनी त्यांना जीवनावश्यक वस्तू पुरविल्या. महापुरात पूरग्रस्तांच्या भोजनासाठी काहींनी आठ दिवस अन्नछत्र सुरू ठेवले. पूरग्रस्तांची सुरक्षितता आणि पुनर्वसनासाठी शिकस्त करणाऱ्या अशा व्यक्ती, संस्था, संघटना आणि प्रतिनिधींचा 'महाराष्ट्र टाइम्स'च्यावतीने सोमवारी झालेल्या एका खास समारंभात 'मदतीचे महानायक' म्हणून मानपत्र देऊन गौरव करण्यात आला. श्रीमंत शाहू महाराज छत्रपती, महापालिकेचे आयुक्त मल्लिनाथ कलशेट्टी यांच्या हस्ते आणि अपना बँकेचे सहायक प्रमुख व्यवस्थापक रोलँड रिबेरो यांच्या प्रमुख उपस्थितीमध्ये सायंकाळी हा सत्काराचा कार्यक्रम रंगला.
सर्व फोटो : अमित गद्रे.