कोल्हापूर टाइम्स टीम
सेव्हिंग अकाउंटवरील बॅलेन्सचे स्टेटमेंट काढण्याचा बहाणा करीत एटीएम सेंटरमधून दोन अनोळखी व्यक्तींनी ग्राहकांच्या खात्यावरील ५० हजार रुपये लंपास केले. २५ जून रोजी दुपारी दोन वाजण्याच्या सुमारास हा प्रकार घडला. याप्रकरणी चंद्रकांत शंकर कुंभार (वय ५८ रा. प्लॉट क्रमांक ४०, दत्त कॉलनी, रिंगरोड, फुलेवाडी) यांनी जुना राजवाडा पोलिसांत फिर्याद दाखल केली.
पोलिसांनी सांगितले की, कुंभार हे २५ जून रोजी दुपारी रंकाळा टॉवर येथील एसबीआय बँकेच्या एटीएम सेंटरमधून गेले. त्यावेळी या एटीएम सेंटरमध्ये दोन अनोळखी तरुण आले. त्यांनी हिंदीतून कुंभार यांच्यासोबत संवाद साधला. ते म्हणाले, 'आपका अभि ट्रॅझेक्शन सुरू है, आप एटीएमसे स्टेटमेंट निकालो और जावो' असे सांगितले. कुंभार यांनी बॅलेस स्टेटमेंट काढण्यास सांगितले. त्यावेळी या दोघांनी स्टेटमेंट काढतो, असे सांगून त्यांच्याकडून एटीएम कार्ड घेऊन पहिल्यांदा दहा हजारांची रक्कम काढली. त्यानंतर काही वेळाने ट्रान्झॅक्शन चुकीचे असल्याचे सांगत दुसऱ्यांदा एटीएम कार्ड स्वाइप करुन ४० हजारांची रोकड एटीएममधून काढून दोघेही पसार झाले. कुंभार यांच्या मोबाइलवर एसएमएस आल्यानंतर फसवणूक झाल्याचे त्यांच्या लक्षात आले.