सांगली: सोलापूर इथं बुधवारी सायंकाळी आमदार गोपीचंद पडळकर यांच्या कारवर झालेल्या दगडफेकीवर भाजपकडून तीव्र प्रतिक्रिया येत आहेत. माजी खासदार नीलेश राणे (Nilesh Rane) यांनी काल रात्रीच ट्वीट करून राष्ट्रवादी काँग्रेसला इशारा दिला होता. आता खुद्द पडळकर यांनी प्रतिक्रिया दिली आहे. (Gopichand Padalkar Targets Rohit Pawar after Attack on Car) गोपीचंद पडळकर यांनी या हल्ल्याच्या संदर्भात ट्वीट केलं आहे. 'प्रस्थापितांचा बहुजनांवर हल्ला...' असं या दगडफेकीचं वर्णन पडळकरांनी केलं आहे. अशा भ्याड हल्ल्यानं बहुजनांचा आवाज ना काल दबला होता, ना आज दबला आहे, ना उद्याही दबेल... घोंगडी बैठका सुरूच राहणार...,' असं त्यांनी पुढं म्हटलं आहे. ट्वीटसोबत त्यांनी आमदार रोहित पवार व त्यांच्या एका कार्यकर्त्याचा फोटो शेअर केला आहे. त्यामुळं त्यांचा थेट रोख रोहित पवार यांच्याकडं असल्याचं बोललं जात आहे.
गोपीचंद पडळकर यांनी सध्या बहुजन संवाद दौरा सुरू केला आहे. त्या अंतर्गत सोलापूर जिल्ह्यात ते घोंगडी बैठका घेत आहेत. काल सकाळी सोलापुरात घेतलेल्या पत्रकार परिषदेत त्यांनी राष्ट्रवादी काँग्रेसचे अध्यक्ष शरद पवार यांच्यावर टीका केली होती. 'शरद पवार (Sharad Pawar) हे साडेतीन जिल्ह्यांचे स्वामी आहेत. ते मोठे नेते आहेत असं मी मानत नाही, तुम्ही कोणी तसं मानत असाल तर तो तुमचा प्रश्न आहे, असा बोचरा टोला पडळकर यांनी हाणला होता. राष्ट्रवादी व काँग्रेस या पक्षांचा डीएनए बहुजन विरोधी असल्याचंही ते म्हणाले होते. पडळकरांनी केलेल्या या टीकेमुळंच त्यांच्या गाडीवर दगडफेक झाली असावी, असं बोललं जात आहे.
नीलेश राणेंचाही इशारा
खासदार नारायण राणे यांचे चिरंजीव नीलेश राणे यांनीही या दगडफेकीवर प्रतिक्रिया देताना राष्ट्रवादीला इशारा दिला आहे. 'गोपीचंद पडळकर यांच्या गाडीची एक काच फोडून मोठा पराक्रम केला असं कुणाला वाटतं असेल तर एवढं लक्षात ठेवा, जेव्हा तुमच्या हातातली सत्ता जाईल, तेव्हा फुटलेल्या काचा मोजण्यात पुढची पाच वर्षे जातील. तुम्ही तरी एकच काच फोडली, आम्ही एक सुद्धा शिल्लक ठेवणार नाही,' असं त्यांनी ट्वीटमध्ये म्हटलं आहे.
आणखी वाचा:
'तुम्ही एकच काच फोडली, आम्ही एक सुद्धा शिल्लक ठेवणार नाही'
'...तेव्हा दिल्लीला शरण यावं लागतं हा इतिहास आहे'
गोपीचंद पडळकर यांनी सध्या बहुजन संवाद दौरा सुरू केला आहे. त्या अंतर्गत सोलापूर जिल्ह्यात ते घोंगडी बैठका घेत आहेत. काल सकाळी सोलापुरात घेतलेल्या पत्रकार परिषदेत त्यांनी राष्ट्रवादी काँग्रेसचे अध्यक्ष शरद पवार यांच्यावर टीका केली होती. 'शरद पवार (Sharad Pawar) हे साडेतीन जिल्ह्यांचे स्वामी आहेत. ते मोठे नेते आहेत असं मी मानत नाही, तुम्ही कोणी तसं मानत असाल तर तो तुमचा प्रश्न आहे, असा बोचरा टोला पडळकर यांनी हाणला होता. राष्ट्रवादी व काँग्रेस या पक्षांचा डीएनए बहुजन विरोधी असल्याचंही ते म्हणाले होते. पडळकरांनी केलेल्या या टीकेमुळंच त्यांच्या गाडीवर दगडफेक झाली असावी, असं बोललं जात आहे.
नीलेश राणेंचाही इशारा
खासदार नारायण राणे यांचे चिरंजीव नीलेश राणे यांनीही या दगडफेकीवर प्रतिक्रिया देताना राष्ट्रवादीला इशारा दिला आहे. 'गोपीचंद पडळकर यांच्या गाडीची एक काच फोडून मोठा पराक्रम केला असं कुणाला वाटतं असेल तर एवढं लक्षात ठेवा, जेव्हा तुमच्या हातातली सत्ता जाईल, तेव्हा फुटलेल्या काचा मोजण्यात पुढची पाच वर्षे जातील. तुम्ही तरी एकच काच फोडली, आम्ही एक सुद्धा शिल्लक ठेवणार नाही,' असं त्यांनी ट्वीटमध्ये म्हटलं आहे.
आणखी वाचा:
'तुम्ही एकच काच फोडली, आम्ही एक सुद्धा शिल्लक ठेवणार नाही'
'...तेव्हा दिल्लीला शरण यावं लागतं हा इतिहास आहे'