म. टा. प्रतिनिधी, कोल्हापूर
लहान मुलांचे अपहरण करत असल्याच्या संशयावरून नागरिकांनी आज एका मद्यधुंद युवकास पकडून चोप देत शाहूपुरी पोलिसांच्या स्वाधीन केले. पोलिसांनी केलेल्या चौकशी दरम्यान दोन्ही मुले संबधित युवकाचीच असल्याचे स्पष्ट झाल्याने या प्रकरणावर पडदा पडला.
याबाबत मिळालेली माहिती अशी, मध्यवर्ती बस स्थानक परिसरात आज दुपारी एक मद्यधुंद युवक आपल्या सोबत असलेल्या दोन मुलांना बेदम मारत असल्याचे नागरिकांच्या निदर्शनास आले. त्यांनी संबंधित युवकापासून मुलांची सुटका करत चौकशी केली असता त्याने आपल नाव विक्रम मोहन पवार असल्याचे सांगितले. चौकशीदरम्यान विक्रम पवार मद्यधुंद अवस्थेत असल्याचे दिसले. त्याला समाधानकारक उत्तर देता आली नाहीत. त्यामुळे मुलांचे अपहरण करत असल्याच्या संशया वरून बेदम मारहाण करत शाहूपुरी पोलिस ठाण्यात हजर केले.
पोलिसांनाही त्याने समाधानकारक उत्तर न दिल्याने त्याच्या नातेवाइकांना बोलावून घेण्यात आले. नातेवाइकांनी दिलेल्या माहितीनुसार मुळचा शेळेवाडी येथील असणारा विक्रम पवार सध्या आई-वडील आणि पत्नीसह पुण्यात राहतो. त्याची अलोक आणि सानिका हो दोन्ही मुले सध्या करवीर तालुक्यातील ठिकपुर्ली येथील सैनिकी शाळेत शिकतात. या दोघांना घेऊन जाण्यासाठी तो आज कोल्हापुरात आला होता. मध्यवर्ती बस स्थानक परिसरात आल्यानंतर विक्रम ने मद्यप्राशन केले आणि त्याच अवस्थेत जेवण मागणाऱ्या मुलांना मारहाण केल्याचे समोर आले.
लहान मुलांचे अपहरण करत असल्याच्या संशयावरून नागरिकांनी आज एका मद्यधुंद युवकास पकडून चोप देत शाहूपुरी पोलिसांच्या स्वाधीन केले. पोलिसांनी केलेल्या चौकशी दरम्यान दोन्ही मुले संबधित युवकाचीच असल्याचे स्पष्ट झाल्याने या प्रकरणावर पडदा पडला.
याबाबत मिळालेली माहिती अशी, मध्यवर्ती बस स्थानक परिसरात आज दुपारी एक मद्यधुंद युवक आपल्या सोबत असलेल्या दोन मुलांना बेदम मारत असल्याचे नागरिकांच्या निदर्शनास आले. त्यांनी संबंधित युवकापासून मुलांची सुटका करत चौकशी केली असता त्याने आपल नाव विक्रम मोहन पवार असल्याचे सांगितले. चौकशीदरम्यान विक्रम पवार मद्यधुंद अवस्थेत असल्याचे दिसले. त्याला समाधानकारक उत्तर देता आली नाहीत. त्यामुळे मुलांचे अपहरण करत असल्याच्या संशया वरून बेदम मारहाण करत शाहूपुरी पोलिस ठाण्यात हजर केले.
पोलिसांनाही त्याने समाधानकारक उत्तर न दिल्याने त्याच्या नातेवाइकांना बोलावून घेण्यात आले. नातेवाइकांनी दिलेल्या माहितीनुसार मुळचा शेळेवाडी येथील असणारा विक्रम पवार सध्या आई-वडील आणि पत्नीसह पुण्यात राहतो. त्याची अलोक आणि सानिका हो दोन्ही मुले सध्या करवीर तालुक्यातील ठिकपुर्ली येथील सैनिकी शाळेत शिकतात. या दोघांना घेऊन जाण्यासाठी तो आज कोल्हापुरात आला होता. मध्यवर्ती बस स्थानक परिसरात आल्यानंतर विक्रम ने मद्यप्राशन केले आणि त्याच अवस्थेत जेवण मागणाऱ्या मुलांना मारहाण केल्याचे समोर आले.