म. टा. प्रतिनिधी, कोल्हापूर
शुक्रवार पेठेतील जामदार क्लब येथे किरकोळ कारणावरून तरुणास मारहाण करणाऱ्या चौघांविरोधात लक्ष्मीपुरी पोलिस ठाण्यात गुन्हा दाखल झाला. विनायक साजन मुदोळकर (वय २७, रा. शुक्रवार पेठ) याने फिर्याद दिली. गणेश किशोर पोवार (२१), पांडुरंग आनंदराव पोवार (४५), किशोर आनंदराव पोवार (५५) आणि संजय आनंदराव पोवार (५०, सर्व रा. शुक्रवार पेठ) अशी गुन्हा दाखल झालेल्या संशयितांची नावे आहेत. फिर्यादी विनायक मुदोळकर याचा पांडुरंग पोवार याच्यासोबत मंगळवारी (ता. १९) रात्री किरकोळ कारणातून वाद झाला होता. वाद आपसात मिटवला. मात्र, रात्री उशिरा पुन्हा पांडुरंग पोवारसह चौघांनी विनोद मुदोळकरसह त्याच्या भावास काठीने मारहाण केली. मारहाण करणारा पांडुरंग पोवार पोलिसांच्या रेकॉर्डवरील सराईत आहे. याबाबत लक्ष्मीपुरी पोलिस अधिक तपास करीत आहेत.