म. टा. प्रतिनिधी, कोल्हापूर
प्राथमिक व माध्यमिक शिक्षकांनी एकत्र येऊन स्थापन केलेल्या गायक शिक्षक मंचतर्फे शनिवारी (ता.१३) मराठी, हिंदी गीतांच्या सादरीकरणाचा कार्यक्रम आयोजित केला आहे. शाहू स्मारक भवन येथे सायंकाळी पाच वाजता कार्यक्रमाला सुरुवात होईल. जिल्ह्यातील प्राथमिक व माध्यमिक शिक्षकांच्या गायन कलेला प्रोत्साहन मिळावे यासाठी 'गायक शिक्षक मंच' वॉट्सअॅप ग्रुपची स्थापना केली आहे. या ग्रुपच्या माध्यमातून मराठी, हिंदी गाण्यांचे कार्यक्रम सादर करण्यात येणार आहेत. राजेंद्र कोरे, कुमार पाटील, बाळ डेळेकर काम पाहत आहेत. रसिकांनी या कार्यक्रमास मोठ्या संख्येने उपस्थित राहावे, असे आवाहन संयोजकांनी केले आहे.