म. टा. प्रतिनिधी, कोल्हापूर कोल्हापूर डान्स असोसिएशनच्या वतीने कडक डान्सिंग सुपरस्टार या स्पर्धेचे आयोजन करण्यात आले आहे. २१ नोव्हेंबरला राजारामपुरीतील डॉ. व्ही. टी. पाटील स्मृतिभवन येथे स्पर्धा होणार आहे. १७ नोव्हेंबरला शाहूपुरीतील गुजराथी हायस्कूल येथे सकाळी ८ ते सायंकाळी ६ या वेळेत स्पर्धेसाठी ऑडिशन फेरी होणार असल्याची माहिती असोसिएशनचे अध्यक्ष संग्राम भालकर यांनी दिली. कोल्हापूर जिल्ह्यातील नवोदित नृत्यकलाकारांसाठी या स्पर्धेचे आयोजन केले आहे. नृत्यदिग्दर्शक विठ्ठल पाटील, चाटे शिक्षण समूहाचे अध्यक्ष डॉ. भारत खराटे यांच्या प्रमुख उपस्थितीत स्पर्धेचे उदघाटन होणार आहे. यावेळी १२ ज्येष्ठ नृत्यकलाकारांचा सन्मान करण्यात येणार आहे. यावेळी सागर बगाडे, दीपक बिडकर, रियाज खलिफा, प्रवीण कोडोलीकर, सुनील माजगावकर, राजू इंगवले, मोहिनी दिवाण, बिंदू राव, सचिन बारटक्के, मदन दाबाडे, रमा कुलकर्णी यांना गुरुगौरव पुरस्काराने सन्मानित करण्यात येणार आहे. पत्रकार परिषदेस असोसिएशनचे उपाध्यक्ष राहुल पांडे, संदीप मचले, अमित पाटील, चंद्रकांत पाटील, रणजित दुधाणे, विशाल कोलकर, अरविंद कोळी आदी उपस्थित होते. ००००
डान्स असो.तर्फे २१ रोजी डान्सिंग सुपरस्टार स्पर्धा
म टा प्रतिनिधी, कोल्हापूरकोल्हापूर डान्स असोसिएशनच्या वतीने कडक डान्सिंग सुपरस्टार या स्पर्धेचे आयोजन करण्यात आले आहे...
महाराष्ट्र टाइम्स.कॉम 16 Nov 2019, 4:00 am