कोल्हापूर: महापालिकेच्यावतीने शहरात राबवण्यात येथे असलेल्या डेंगी प्रतिबंधात्मक विशेष मोहिमेत २४ घरांमध्ये साचलेल्या पाण्यात डेंगीच्या आळ्या आढळल्या. शनिवारी महापालिकेच्या आरोग्य विभाग, नागरी कुटुंब कल्याण केंद्र यांनी संयुक्त पाहणी केली. राजलक्ष्मीनगर, अकबर मोहल्ला, लक्षतीर्थ वसाहत, बाजारगेट आदी ठिकाणी राबवलेल्या मोहिमेमध्ये २८७ घरांचे सर्वेक्षण केले. त्यामध्ये २४ कुटुंबाकडील साचलेल्या पाण्यामध्ये डेंगीचे डास व आळी आढळून आल्या. तसेच बांधकामाच्या ठिकाणी पाणी साचलेले निर्दशनास आलेस सबंधिताचे बांधकाम परवाना रद्द करण्याच्या सूचना दिल्या. आरोग्याधिकारी डॉ. दिलीप पाटील, मुख्य आरोग्य निरिक्षक डॉ. विजय पाटील यांच्या मार्गदर्शनाखाली आरोग्य विभाग, नागरी कुटूंब कल्याण व सर्व विभागीय आरोग्य निरीक्षक यांनी मोहिमेत सहभाग घेतला.
२४ ठिकाणी डेंगीच्या आळ्या
महापालिकेच्यावतीने शहरात राबवण्यात येथे असलेल्या डेंगी प्रतिबंधात्मक विशेष मोहिमेत २४ घरांमध्ये साचलेल्या पाण्यात डेंगीच्या आळ्या आढळल्या...
Maharashtra Times 19 Aug 2018, 4:00 am