कोल्हापूर: नगररचना कोल्हापूर शाखेच्या नगररचनाकारपदी एस. व्ही. देशमुख यांची नियुक्ती झाली. येथील व्ही. एल. कोटी यांच्यांकडे नगररचनापदाचा प्रभारी कार्यभार होता. तर याच विभागातील उपसंचालक प्रादेशिक योजनेचे एम. डी. किणीकर यांची इचलकरंजी येथील विशेष घटक योजनेच्या सहायक संचालकपदी बदली करण्यात आली आहे. त्यांच्या बदलीचे आदेश नुकतेच प्राप्त झाले. नगररचना विभागाच्या नगररचनाकारपदाचा कोटी यांच्याकडे प्रभारी पदभार होता. या पदावर पूर्णवेळ अधिकाऱ्यांची नियुक्ती करण्यात आली आहे. वर्धा येथील नगररचनाकार देशमुख यांची या पदावर वर्णी लावण्यात आली. याच विभागातील किणीकर यांची बदली झाली असली, त्यांच्याठिकाणी अन्य अधिकाऱ्यांची नियुक्ती न केल्याने हे पद रिक्त राहणार आहे.
देशमुख यांची नियुक्ती
नगररचना कोल्हापूर शाखेच्या नगररचनाकारपदी एस व्ही देशमुख यांची नियुक्ती झाली येथील व्ही एल कोटी यांच्यांकडे नगररचनापदाचा प्रभारी कार्यभार होता...
MT 12 Mar 2019, 4:00 am