म. टा. वृत्तसेवा, गडहिंग्लज
हलकर्णी (ता. गडहिंग्लज) येथे माध्यमिक शाळेत काम करणाऱ्या शिक्षकाने पाचवीच्या वर्गात शिकणाऱ्या मुलीचा विनयभंग केला. याबाबत गडहिंग्लज पोलिस ठाण्यात गुन्हा दाखल झाला असून, अब्दुल रहेमान मकतूम अत्तार वय (वय ३७) या शिक्षकाला अटक केली आहे. या घटनेने हलकर्णी गावात संतप्त प्रतिक्रिया उमटल्याने संस्थेनेही शिक्षक अत्तारला तातडीने निलंबित केले.
हलकर्णी येथे हलकर्णी भाग शिक्षण प्रसारक मंडळाच्या हलकर्णी भाग हायस्कूलमध्ये सकाळी दहाच्या सुमारास इयत्ता पाचवीत शिकणारी मुलगी बेंचमध्ये दप्तर ठेवत असताना अत्तार तिच्याजवळ गेला. तिच्याशी लगट साधत असता मुलीने ओडण्याचा प्रयत्न केला. तेव्हा लज्जा उत्पन्न होईल असे बोलून अत्तारने तिचा विनयभंग केला, अशी फिर्याद मुलीच्या आईने गडहिंग्लज पोलिस ठाण्यात दिली आहे. ही घटना गावात समजताच शेकडो कार्यकर्ते शाळा परिसरात जमा झाले आणि शाळा व्यवस्थापनाला जाब विचारला. तेव्हा संस्थेचे सचिव नागेश मुंगूरवाडी यांनी अत्तारला निलंबित केल्याचे सांगितले.
हलकर्णी (ता. गडहिंग्लज) येथे माध्यमिक शाळेत काम करणाऱ्या शिक्षकाने पाचवीच्या वर्गात शिकणाऱ्या मुलीचा विनयभंग केला. याबाबत गडहिंग्लज पोलिस ठाण्यात गुन्हा दाखल झाला असून, अब्दुल रहेमान मकतूम अत्तार वय (वय ३७) या शिक्षकाला अटक केली आहे. या घटनेने हलकर्णी गावात संतप्त प्रतिक्रिया उमटल्याने संस्थेनेही शिक्षक अत्तारला तातडीने निलंबित केले.
हलकर्णी येथे हलकर्णी भाग शिक्षण प्रसारक मंडळाच्या हलकर्णी भाग हायस्कूलमध्ये सकाळी दहाच्या सुमारास इयत्ता पाचवीत शिकणारी मुलगी बेंचमध्ये दप्तर ठेवत असताना अत्तार तिच्याजवळ गेला. तिच्याशी लगट साधत असता मुलीने ओडण्याचा प्रयत्न केला. तेव्हा लज्जा उत्पन्न होईल असे बोलून अत्तारने तिचा विनयभंग केला, अशी फिर्याद मुलीच्या आईने गडहिंग्लज पोलिस ठाण्यात दिली आहे. ही घटना गावात समजताच शेकडो कार्यकर्ते शाळा परिसरात जमा झाले आणि शाळा व्यवस्थापनाला जाब विचारला. तेव्हा संस्थेचे सचिव नागेश मुंगूरवाडी यांनी अत्तारला निलंबित केल्याचे सांगितले.