सांगली: संभाजी भिडे यांच्या शिवप्रतिष्ठान हिंदुस्थान या संघटनेचे कार्यवाहक नितीन चौगुले यांना संघटनेचे अध्यक्ष रावसाहेब देसाई यांनी आज पदावरून तडकाफडकी हटवले. याबाबतचा एक व्हिडिओ त्यांनी पोस्ट केला. त्यामुळे संभाजी भिडे यांच्या संघटनेत उभी फूट पडल्याची बातमी वाऱ्यासारखी पसरली, पण अवघ्या काही तासांतच या निर्णयाला स्थगिती देऊन प्रकरणावर पडदा टाकण्याचा प्रयत्न करण्यात आला आहे. हा निर्णय नेमका का घेण्यात आला होता आणि का बदलण्यात आला, याबाबत खुद्द चौगुले हेच अंधारात असल्याचे स्पष्ट होत आहे. ( Sambhaji Bhide Shiv Pratishthan Split News Latest Update ) वाचा: लता मंगेशकर, सचिनबद्दल राज ठाकरे यांचे मोठे विधान; मोदींना हाणला टोला!
दोन दिवसांपूर्वीच शरजील उस्मानी आणि एल्गार परिषद याविरोधात शिवप्रतिष्ठानकडून सांगलीत आंदोलन करण्यात आले होते. या आंदोलनात नितीन चौगुले हे अग्रभागी होते. या आंदोलनानंतर आज अचानक चौगुले यांना पदावरून हटवण्यात आले. शिवप्रतिष्ठानचे अध्यक्ष रावसाहेब देसाई यांनी चौगुले यांच्यावर कारवाई केल्याची माहिती एका व्हिडीओच्या माध्यमातून दिली. चौगुले यांच्याशी संघटनात्मक पातळीवर कुणीही संबंध ठेवू नयेत, असेही त्यांनी सांगितले. ही कारवाई करताना कोणतेच ठोस कारण त्यांनी दिले नाही. देसाई यांचा व्हिडिओ सोशल मीडियात व्हायरल झाला आणि संभाजी भिडे यांच्या संघटनेत फूट पडल्याच्या बातम्या सर्वत्र झळकल्या. नितीन चौगुले यांच्यासाठीही हा मोठा धक्का होता. याबाबत ते तर पूर्णपणे अंधारात होते. माध्यमांशी बोलताना त्यांनी तसे स्पष्ट केले. हा सगळा गोंधळ दिवसभर सुरू होता. त्यानंतर रात्री हा निर्णय आश्चर्यकारकरित्या बदलण्यात आला. चौगुले यांना पदावरून हटवण्याच्या निर्णयाला स्थगिती देण्यात येत आहे, असे देसाई यांनी सांगितले. तेव्हाही त्यांनी यामागचं कारण दिलं नाही.
वाचा: इतर क्षेत्राबद्दल व्यक्त होताना काळजी घ्या!; पवारांनी सचिनला दिला 'हा' सल्ला
विशेष म्हणजे शिवप्रतिष्ठानमध्ये फुटीच्या बातम्या येत असताना यावर संभाजी भिडे यांच्याकडून कोणतीही प्रतिक्रिया आली नाही. नितीन चौगुले यांनी मात्र माध्यमांशी संवाद साधला. मला पदावरून हटवण्यात आले असेल तर त्याबाबत अद्याप अधिकृतरित्या कुणीही कळवलेले नाही. संघटनेच्या राष्ट्रीय अध्यक्षांना मी याबाबत निवेदन दिले आहे. ते मला उत्तर देतीलच. या विषयी संभाजी भिडे यांच्याशी माझे कोणतेही बोलणे झालेले नाही व त्यांचा मला कोणताही निरोप मिळालेला नाही, असे चौगुले यांनी स्पष्ट केले. शिवप्रतिष्ठानच्या चौकटीत राहून मी आजवर काम करत आलो आहे, असेही चौगुले म्हणाले. दरम्यान, चौगुले यांच्या निवेदनानंतर त्यांच्यावरील कारवाईलाच स्थगिती दिली गेल्याने संघटनेतील फुटीचे संकट तूर्त टळल्याचे बोलले जात आहे.
वाचा: वीजबिलांबाबत राज यांचा गंभीर आरोप; अदानी शरद पवारांना भेटल्यानंतर...
दोन दिवसांपूर्वीच शरजील उस्मानी आणि एल्गार परिषद याविरोधात शिवप्रतिष्ठानकडून सांगलीत आंदोलन करण्यात आले होते. या आंदोलनात नितीन चौगुले हे अग्रभागी होते. या आंदोलनानंतर आज अचानक चौगुले यांना पदावरून हटवण्यात आले. शिवप्रतिष्ठानचे अध्यक्ष रावसाहेब देसाई यांनी चौगुले यांच्यावर कारवाई केल्याची माहिती एका व्हिडीओच्या माध्यमातून दिली. चौगुले यांच्याशी संघटनात्मक पातळीवर कुणीही संबंध ठेवू नयेत, असेही त्यांनी सांगितले. ही कारवाई करताना कोणतेच ठोस कारण त्यांनी दिले नाही. देसाई यांचा व्हिडिओ सोशल मीडियात व्हायरल झाला आणि संभाजी भिडे यांच्या संघटनेत फूट पडल्याच्या बातम्या सर्वत्र झळकल्या. नितीन चौगुले यांच्यासाठीही हा मोठा धक्का होता. याबाबत ते तर पूर्णपणे अंधारात होते. माध्यमांशी बोलताना त्यांनी तसे स्पष्ट केले. हा सगळा गोंधळ दिवसभर सुरू होता. त्यानंतर रात्री हा निर्णय आश्चर्यकारकरित्या बदलण्यात आला. चौगुले यांना पदावरून हटवण्याच्या निर्णयाला स्थगिती देण्यात येत आहे, असे देसाई यांनी सांगितले. तेव्हाही त्यांनी यामागचं कारण दिलं नाही.
वाचा: इतर क्षेत्राबद्दल व्यक्त होताना काळजी घ्या!; पवारांनी सचिनला दिला 'हा' सल्ला
विशेष म्हणजे शिवप्रतिष्ठानमध्ये फुटीच्या बातम्या येत असताना यावर संभाजी भिडे यांच्याकडून कोणतीही प्रतिक्रिया आली नाही. नितीन चौगुले यांनी मात्र माध्यमांशी संवाद साधला. मला पदावरून हटवण्यात आले असेल तर त्याबाबत अद्याप अधिकृतरित्या कुणीही कळवलेले नाही. संघटनेच्या राष्ट्रीय अध्यक्षांना मी याबाबत निवेदन दिले आहे. ते मला उत्तर देतीलच. या विषयी संभाजी भिडे यांच्याशी माझे कोणतेही बोलणे झालेले नाही व त्यांचा मला कोणताही निरोप मिळालेला नाही, असे चौगुले यांनी स्पष्ट केले. शिवप्रतिष्ठानच्या चौकटीत राहून मी आजवर काम करत आलो आहे, असेही चौगुले म्हणाले. दरम्यान, चौगुले यांच्या निवेदनानंतर त्यांच्यावरील कारवाईलाच स्थगिती दिली गेल्याने संघटनेतील फुटीचे संकट तूर्त टळल्याचे बोलले जात आहे.
वाचा: वीजबिलांबाबत राज यांचा गंभीर आरोप; अदानी शरद पवारांना भेटल्यानंतर...