म. टा. प्रतिनिधी, कोल्हापूर
दिवाळीतील गोडतिखट पदार्थांच्या आस्वादासोबत वैचारिक भूक भागविणारे दिवाळी अंक बाजारात दाखल झाले आहेत. दिवाळी अंकाच्या पर्वणीची वाट पाहणाऱ्या वाचकांच्या मनातील अक्षरदीप उजळणार असून, यावर्षी तब्बल छोट्या-मोठ्या प्रकाशनांचे चारशेच्या आसपास दिवाळी अंक प्रकाशित झाले आहेत.
गणेशोत्सवानंतर दिवाळी अंकाच्या कामाला वेग आला होता. गेल्या १५ दिवसांत अंकांचे काम युद्धपातळीवर पूर्ण करून बहुतांश प्रकाशकांनी दिवाळीच्या आधी दोन दिवस अंक बाजारात आणले आहेत. दिवाळीच्या इतर खरेदीसोबत दिवाळी अंकांचीही खरेदी करण्यापूर्वी ते चाळण्यासाठी वाचकांनी पुस्तकांच्या दुकानांकडे मोर्चा वळवला आहे.
पाककृती, धार्मिक, कथा, महिलाजगत, रहस्यकथा, सिनेविश्व, कर्तृत्वशील लोकांच्या मुलाखती, उद्योगातील घडामोडी अशा विविध विषयांवरील माहिती असलेल्या दिवाळी अंकांना यंदाही मागणी वाढली आहे.
कथा, लघु कांदबरी, कविता, गुप्तहेरकथा, व्यंगचित्रे, परिसंवाद, ललित लेख, ज्योतिष असे नानाविध प्रकार या दिवाळी अंकांतून यंदाही पाहायला मिळणार आहेत.
दिवाळी अंकांमध्ये प्रयोग
मुखपृष्ठापासून विषयांच्या मांडणीपर्यंत यावर्षी दिवाळी अंकाच्या रचतेत उल्लेखनीय प्रयोग करण्यात आले आहेत. यामध्ये तरुण वाचकांना आकर्षित करणाऱ्या विषयांना अनेक दिवाळी अंकांत स्थान देण्यात आले आहे. तसेच महिलांशी निगडित विषय कथा, कविता, मुलाखती अशा लेखन प्रकारांच्या माध्यमातून मांडण्यात आले आहे. काही दिवाळी अंकांच्या प्रकाशकांनी एका संकल्पनेवर आधारित दिवाळी अंकांची रचना केली आहे. यामध्ये मेक इन इंडिया, सांस्कृतिक स्थित्यंतरे, देशातील असुरक्षितता असे गंभीर विषयही हाताळले आहेत. उद्योगविश्वावर आधारित दिवाळी अंकांमध्ये यावर्षी प्रगती आणि विकास यांची सांगड घालणारे साहित्य निवडले आहे.
दिवाळीतील गोडतिखट पदार्थांच्या आस्वादासोबत वैचारिक भूक भागविणारे दिवाळी अंक बाजारात दाखल झाले आहेत. दिवाळी अंकाच्या पर्वणीची वाट पाहणाऱ्या वाचकांच्या मनातील अक्षरदीप उजळणार असून, यावर्षी तब्बल छोट्या-मोठ्या प्रकाशनांचे चारशेच्या आसपास दिवाळी अंक प्रकाशित झाले आहेत.
गणेशोत्सवानंतर दिवाळी अंकाच्या कामाला वेग आला होता. गेल्या १५ दिवसांत अंकांचे काम युद्धपातळीवर पूर्ण करून बहुतांश प्रकाशकांनी दिवाळीच्या आधी दोन दिवस अंक बाजारात आणले आहेत. दिवाळीच्या इतर खरेदीसोबत दिवाळी अंकांचीही खरेदी करण्यापूर्वी ते चाळण्यासाठी वाचकांनी पुस्तकांच्या दुकानांकडे मोर्चा वळवला आहे.
पाककृती, धार्मिक, कथा, महिलाजगत, रहस्यकथा, सिनेविश्व, कर्तृत्वशील लोकांच्या मुलाखती, उद्योगातील घडामोडी अशा विविध विषयांवरील माहिती असलेल्या दिवाळी अंकांना यंदाही मागणी वाढली आहे.
कथा, लघु कांदबरी, कविता, गुप्तहेरकथा, व्यंगचित्रे, परिसंवाद, ललित लेख, ज्योतिष असे नानाविध प्रकार या दिवाळी अंकांतून यंदाही पाहायला मिळणार आहेत.
दिवाळी अंकांमध्ये प्रयोग
मुखपृष्ठापासून विषयांच्या मांडणीपर्यंत यावर्षी दिवाळी अंकाच्या रचतेत उल्लेखनीय प्रयोग करण्यात आले आहेत. यामध्ये तरुण वाचकांना आकर्षित करणाऱ्या विषयांना अनेक दिवाळी अंकांत स्थान देण्यात आले आहे. तसेच महिलांशी निगडित विषय कथा, कविता, मुलाखती अशा लेखन प्रकारांच्या माध्यमातून मांडण्यात आले आहे. काही दिवाळी अंकांच्या प्रकाशकांनी एका संकल्पनेवर आधारित दिवाळी अंकांची रचना केली आहे. यामध्ये मेक इन इंडिया, सांस्कृतिक स्थित्यंतरे, देशातील असुरक्षितता असे गंभीर विषयही हाताळले आहेत. उद्योगविश्वावर आधारित दिवाळी अंकांमध्ये यावर्षी प्रगती आणि विकास यांची सांगड घालणारे साहित्य निवडले आहे.