मटा ऑनलाइन वृत्त। कोल्हापूर
भारतीय सैन्यदलातील जवान तेजबाद्दूर सिंह यांच्या व्हिडीओने देशभरात खळबळ उडवून दिली असताना जम्मू-काश्मीरमध्ये सीमेवर आपली सेवा बजावणाऱ्या आणखी एका जवानाचा व्हिडिओ सोशल मीडियावर व्हायरल झाला आहे. लष्करात लान्स नायक असलेल्या या जवानाचे नाव रणजीत गावडे असे असून तो कोल्हापूरचा आहे. आपल्या व्हिडिओद्वारे मनोगत व्यक्त करताना रणजीतने भ्रष्ट्र नेत्यांवर ताशेरे ओढले आहेत. हा जवान सोशल मीडियावर केवळ व्हिडिओ पोस्ट करून थांबला नसून त्याने चंदगड तालुक्यातील म्हाळुंगे गावात भ्रष्ट राजकारण्यांवर ताशेरे ओढणारे होर्डिंगही लावले आहेत.
आपल्या होर्डींगमध्ये हा जवान म्हणतो, 'मी सैनिकी सेवा बजावत असताना मला वीरमरण आल्यास नीतीमत्ता भ्रष्ट झालेल्या नेते आणि लाचखोर सरकारी अधिकारी यांनी माझ्या पार्थिवाला हात लावू नये. ही माझी शेवटची इच्छा असेल. सन्मानाने जगण्यासाठी आणि या भुंकणाऱ्या कुत्र्यांना आवर घालण्यासाठी मावळ्यानओ संघटीत व्हा.'
भारतीय सैनिकांबद्दल वापरले जाणारे अपशब्द आणि अपमान यांमुळे जवान रणजीत गावडे उद्विग्न झाला आहे. 'मी कोण' या शिर्षकाखाली काव्यरचना करत या जवानाने छत्रपती शिवाजी महाराजांच्या स्वराज्यासाठी सर्व काही देणारा तो मीच होतो आणि आजही मीच आहे असे म्हणत आपली राष्ट्रसेवा अधोरेखित केली आहे. सैनिकाचे राष्ट्रजीवनात स्थान काय, याबाबत बोलताना आपल्या कवितेत या जवानाने भ्रष्ट राजकारण्यांना इशारा देत आपल्या अपमानाला वाचा फोडली आहे.
हा जवान आपल्या काव्यात पुढे म्हणतो,
'...येथे आता जन्मास येतात रोजच नवे पुढारी! मग कोणी आम्हाला बलात्कारी म्हणतोय, तर कोणी आमची अब्रु वेशिला टांगतोय, कोणी सांगतोय आम्ही मरण्यासाठी असतोय, तर कोणी आमची अक्कल काढतोय. मग का लढावे प्रश्न पडतो, प्रश्न घेऊनच आम्ही जगतोय, पुन्हा पुन्हा तेच म्हणतोय. त्यावेळी पण मीच होतो, आता पण मीच आहे, कधी सर्वार्थाने तर कधी स्वार्थाने लढलो आम्ही. असेल शेवटी काहीतरी.... लढणारा तो मीच सैनिक आहे राजे!'
सीमेवर लढणाऱ्या सैनिकांचा मान सन्मान राखण्यासाठी सर्व मावळ्यांनी एकत्र आले पाहिजे असे आवाहनही या जवानाने केले आहे. जवानाच्या या पवित्र्यामुळे कोल्हापूर शहरात तो चर्चेचा विषय बनला आहे.
भारतीय सैन्यदलातील जवान तेजबाद्दूर सिंह यांच्या व्हिडीओने देशभरात खळबळ उडवून दिली असताना जम्मू-काश्मीरमध्ये सीमेवर आपली सेवा बजावणाऱ्या आणखी एका जवानाचा व्हिडिओ सोशल मीडियावर व्हायरल झाला आहे. लष्करात लान्स नायक असलेल्या या जवानाचे नाव रणजीत गावडे असे असून तो कोल्हापूरचा आहे. आपल्या व्हिडिओद्वारे मनोगत व्यक्त करताना रणजीतने भ्रष्ट्र नेत्यांवर ताशेरे ओढले आहेत. हा जवान सोशल मीडियावर केवळ व्हिडिओ पोस्ट करून थांबला नसून त्याने चंदगड तालुक्यातील म्हाळुंगे गावात भ्रष्ट राजकारण्यांवर ताशेरे ओढणारे होर्डिंगही लावले आहेत.
आपल्या होर्डींगमध्ये हा जवान म्हणतो, 'मी सैनिकी सेवा बजावत असताना मला वीरमरण आल्यास नीतीमत्ता भ्रष्ट झालेल्या नेते आणि लाचखोर सरकारी अधिकारी यांनी माझ्या पार्थिवाला हात लावू नये. ही माझी शेवटची इच्छा असेल. सन्मानाने जगण्यासाठी आणि या भुंकणाऱ्या कुत्र्यांना आवर घालण्यासाठी मावळ्यानओ संघटीत व्हा.'
भारतीय सैनिकांबद्दल वापरले जाणारे अपशब्द आणि अपमान यांमुळे जवान रणजीत गावडे उद्विग्न झाला आहे. 'मी कोण' या शिर्षकाखाली काव्यरचना करत या जवानाने छत्रपती शिवाजी महाराजांच्या स्वराज्यासाठी सर्व काही देणारा तो मीच होतो आणि आजही मीच आहे असे म्हणत आपली राष्ट्रसेवा अधोरेखित केली आहे. सैनिकाचे राष्ट्रजीवनात स्थान काय, याबाबत बोलताना आपल्या कवितेत या जवानाने भ्रष्ट राजकारण्यांना इशारा देत आपल्या अपमानाला वाचा फोडली आहे.
हा जवान आपल्या काव्यात पुढे म्हणतो,
'...येथे आता जन्मास येतात रोजच नवे पुढारी! मग कोणी आम्हाला बलात्कारी म्हणतोय, तर कोणी आमची अब्रु वेशिला टांगतोय, कोणी सांगतोय आम्ही मरण्यासाठी असतोय, तर कोणी आमची अक्कल काढतोय. मग का लढावे प्रश्न पडतो, प्रश्न घेऊनच आम्ही जगतोय, पुन्हा पुन्हा तेच म्हणतोय. त्यावेळी पण मीच होतो, आता पण मीच आहे, कधी सर्वार्थाने तर कधी स्वार्थाने लढलो आम्ही. असेल शेवटी काहीतरी.... लढणारा तो मीच सैनिक आहे राजे!'
सीमेवर लढणाऱ्या सैनिकांचा मान सन्मान राखण्यासाठी सर्व मावळ्यांनी एकत्र आले पाहिजे असे आवाहनही या जवानाने केले आहे. जवानाच्या या पवित्र्यामुळे कोल्हापूर शहरात तो चर्चेचा विषय बनला आहे.