म. टा. प्रतिनिधी, कोल्हापूर
सांगलीतील बेकायदा गर्भपात प्रकरणी डॉ. विजयकुमार चौगुले याच्यासंदर्भातील अहवाल आरोग्य विभागाने आरोग्य उपसंचालक कार्यालयाकडे सादर केला आहे. डॉ. चौगुले हा गारगोटी येथील ग्रामीण रुग्णालय येथे वैद्यकीय अधिकारी म्हणून कार्यरत होता. सांगली येथील गणेशनगर येथे बेकायदा गर्भपात प्रकरणी त्याला सांगली पोलिसांनी अटक केली आहे. बेकायदा गर्भपात प्रकरणातील त्याचा सहभाग, पोलिस कारवाईसह अन्य तक्रारींची माहिती आरोग्य विभागाने जमवली आहे. सांगली महापालिकेचा अहवाल, पोलिसाकडून उपलब्ध माहिती आरोग्य उपसंचालक कार्यालयाकडे सादर केली आहे. आरोग्य सेवा संचालनालयामार्फत त्याच्यावर कारवाई होण्याची चिन्हे आहेत.