कोल्हापूर टाइम्स टीम
महाराष्ट्र स्टेट इलेक्ट्रिसिटी वर्कर्स फेडरेशन पुरस्कृत स्वा.वीज कामगार मुखपत्राने सुवर्णमहोत्सव समारंभ रविवारी (ता. १०) कोल्हापुरात होणार आहे. उद्यमनगर येथील कृष्णा सांस्कृतिक भवनात अडीच वाजता कार्यक्रम होणार आहे.
फेडरेशनचे अध्यक्ष मोहन शर्मा यांनी पत्रकार परिषदेत माहिती दिली. फेडरेशनची दोन मुखपत्रे असून वीज कामगार मुखपत्र १९६९ नियमित खंड न पडता सुरू आहे. देश आणि राज्यातील उर्जा क्षेत्रातील माहिती, कामगारांचे जीवनमान, उद्योग या विषयावर लेखन केले जाते. राज्यातील २० हजार मुखपत्राचे सदस्य आहेत. मुखपत्राच्या सुवर्णमहोत्सवी वर्षानिमित्त होणाऱ्या कार्यक्रमात ज्येष्ठ पत्रकार मधुकर भावे यांचे व्याख्यान होणार आहे. या कार्यक्रमाला माजी महापौर माधवी गवंडी, कोल्हापूर परिमंडळाचे मुख्य अभियंता अनिल भोसले, डाकघर प्रवर अधीक्षक ईश्वर पाटील, प्रा. डॉ. भारती पाटील, मा. वि. जोगळेकर, के.पी. तांबेकर उपस्थित राहणार आहेत. पत्रकार परिषदेला फेडरेशनचे कार्याध्यक्ष सी. एन. देशमुख, सरचिटणीस कृष्णा भोयर, महेश जोतदार उपस्थित होत्या.