म. टा. प्रतिनिधी, कोल्हापूर
कारने दुचाकीला धक्का देऊन ओव्हरटेक केल्याचा जाब विचारल्याने चौघांनी दुचाकीस्वार विद्यार्थ्याला बेदम मारहाण केली. विद्यार्थ्याचा गाळा दाबून त्याला जिवे मारण्याचाही प्रकार घडला. बुधवारी (ता. २२) रात्री साडेआठच्या सुमारास कसबा बावडा येथील टोल नाक्याजवळ ही घटना घडली. ओंकार विष्णू कांबळे (वय २३, रा. शिवाजीनगर, पेठवडगाव) या जखमी विद्यार्थ्यावर सीपीआरमध्ये उपचार सुरू आहेत. याप्रकरणी शाहूपुरी पोलिस ठाण्यात चौघा अज्ञातांवर गुन्हा दाखल करण्यात आला आहे.
शाहूपुरी पोलिस ठाण्यातून मिळालेल्या माहितीनुसार ओंकार कांबळे हा शहाजी लॉ कॉलेजमध्ये शिक्षण घेतो. बुधवारी तो कॉलेज संपल्यानंतर कसबा बावडा येथे मित्राला भेटण्यासाठी थांबला होता. त्यानंतर रात्री सव्वाआठ वाजण्याच्या सुमारास तो आपल्या दुचाकीवरून पेठ वडगावला घरी निघाला होता. शिये टोल नाक्यापासून काही अंतरावर पाठीमागून आलेल्या कारने ओंकारच्या दुचाकीला ओव्हरटेक करून धक्का दिला. यामुळे ओंकारचा तोल जाऊन त्याची दुचाकी घसरली. त्याने मोठ्याने ओरडून कारचालकाला जाब विचारला. यानंतर कारचालकाने कार थांबवली. कारमधील चौघांनी ओंकारला शिवीगाळ करीत बेदम मारहाण केली. त्यानंतर लोखंडी रॉडने डोक्यात मारहाण केली. एका तरुणाने ओंकारचा गळा दाबून ठार मारण्याचा प्रयत्न केला. मारामारीची घटना पाहून काही वाहनधारक थांबल्यामुळे हल्लेखोर कारमधून पळून गेले. ओंकारने मोबइलवरून मित्रांना मारहाणीची माहिती दिली. कसबा बावडा येथील मित्रांनी त्याला गंभीर जखमी अवस्थेत सीपीआर रुग्णालयात दाखल केले.
या घटनेची माहिती शाहूपुरी पोलिसांना मिळताच पोलिस निरीक्षक संजय मोरे, शहर पोलिस उपअधीक्षक डॉ. प्रशांत अमृतकर यांनी सीपीआरमध्ये जाऊन जखमी ओंकारची चौकशी केली. हल्लेखोरांचा शोध घेण्यासाठी पोलिसांनी बावड्यातील सीसीटीव्ही फुटेज मिळवले आहे. ओंकारने दिलेल्या तक्रारीनुसार शाहूपुरी पोलिस ठाण्यात गुन्हा दाखल केला आहे.
कारने दुचाकीला धक्का देऊन ओव्हरटेक केल्याचा जाब विचारल्याने चौघांनी दुचाकीस्वार विद्यार्थ्याला बेदम मारहाण केली. विद्यार्थ्याचा गाळा दाबून त्याला जिवे मारण्याचाही प्रकार घडला. बुधवारी (ता. २२) रात्री साडेआठच्या सुमारास कसबा बावडा येथील टोल नाक्याजवळ ही घटना घडली. ओंकार विष्णू कांबळे (वय २३, रा. शिवाजीनगर, पेठवडगाव) या जखमी विद्यार्थ्यावर सीपीआरमध्ये उपचार सुरू आहेत. याप्रकरणी शाहूपुरी पोलिस ठाण्यात चौघा अज्ञातांवर गुन्हा दाखल करण्यात आला आहे.
शाहूपुरी पोलिस ठाण्यातून मिळालेल्या माहितीनुसार ओंकार कांबळे हा शहाजी लॉ कॉलेजमध्ये शिक्षण घेतो. बुधवारी तो कॉलेज संपल्यानंतर कसबा बावडा येथे मित्राला भेटण्यासाठी थांबला होता. त्यानंतर रात्री सव्वाआठ वाजण्याच्या सुमारास तो आपल्या दुचाकीवरून पेठ वडगावला घरी निघाला होता. शिये टोल नाक्यापासून काही अंतरावर पाठीमागून आलेल्या कारने ओंकारच्या दुचाकीला ओव्हरटेक करून धक्का दिला. यामुळे ओंकारचा तोल जाऊन त्याची दुचाकी घसरली. त्याने मोठ्याने ओरडून कारचालकाला जाब विचारला. यानंतर कारचालकाने कार थांबवली. कारमधील चौघांनी ओंकारला शिवीगाळ करीत बेदम मारहाण केली. त्यानंतर लोखंडी रॉडने डोक्यात मारहाण केली. एका तरुणाने ओंकारचा गळा दाबून ठार मारण्याचा प्रयत्न केला. मारामारीची घटना पाहून काही वाहनधारक थांबल्यामुळे हल्लेखोर कारमधून पळून गेले. ओंकारने मोबइलवरून मित्रांना मारहाणीची माहिती दिली. कसबा बावडा येथील मित्रांनी त्याला गंभीर जखमी अवस्थेत सीपीआर रुग्णालयात दाखल केले.
या घटनेची माहिती शाहूपुरी पोलिसांना मिळताच पोलिस निरीक्षक संजय मोरे, शहर पोलिस उपअधीक्षक डॉ. प्रशांत अमृतकर यांनी सीपीआरमध्ये जाऊन जखमी ओंकारची चौकशी केली. हल्लेखोरांचा शोध घेण्यासाठी पोलिसांनी बावड्यातील सीसीटीव्ही फुटेज मिळवले आहे. ओंकारने दिलेल्या तक्रारीनुसार शाहूपुरी पोलिस ठाण्यात गुन्हा दाखल केला आहे.