लोकसभेसाठी राष्ट्रवादीकडून चौघे इच्छुक; शरद पवार काय भूमिका घेणार?

कोल्हापूर : कोल्हापूर लोकसभा मतदारसंघातून राष्ट्रवादीकडून लढण्यासाठी पक्षाचे ज्येष्ठ नेते व्ही. बी पाटील, गोकुळचे संचालक चेतन नरके यांच्यासह आणखी दोघे इच्छुक असल्याचे राष्ट्रवादीचे नेते व माजी मंत्री हसन मुश्रीफ यांनी सांगितले.

मुश्रीफ म्हणाले, अरुण नरके यांनी चेतन नरके यांच्या उमेदवारी संदर्भात पक्षाचे नेते शरद पवार यांची भेट घालणार असल्याचे स्वतःहून सांगितले आहे. याशिवाय व्ही. बी. पाटील हे सुद्धा लोकसभा लढविण्यासाठी इच्छुक आहेत. आणखी दोघे पक्षाकडून निवडणूक लढण्यासाठी इच्छुक आहेत.
कर्नाटकात भाजपची प्रतिमा खालावल्याने सीमावाद उकरून काढला जात असल्याचा आरोप करून मुश्रीफ म्हणाले, सीमा समन्वयक मंत्र्यांनी कोणत्याही परिस्थितीत सीमा भागात गेलेच पाहिजे. आम्हाला बोलावले तर आम्ही पण सोबत येऊ.

वाचा- Ind vs Ban Odi: आता बॅटिंग कशी करायची? बांगलादेशला पडला प्रश्न, शमीच्या जागी संघात आला धोकादायक...

पक्षाचे जिल्हाध्यक्ष ए वाय पाटील हे मुख्यमंत्री एकनाथ शिंदे यांच्या व्यासपीठावर उपस्थित असल्याबाबत खुलासा करताना ते म्हणाले, पंचगंगा नदीवर झालेल्या महाआरतीला माझ्यासह त्यांनाही निमंत्रण होते त्यामुळेच ते तिथे गेले होते.

वाचा- रेल्वे कर्मचाऱ्याला १ कोटी पगार देऊन ऑफिसमध्ये काम देत नाहीत; बॉस येणार अडचणीत