परळवासियांकडून मोफत गणेश मूर्ती

कोल्हापूर टाइम्स टीमः महापुराने कोल्हापूर आणि सांगली जिल्ह्यातील कुंभारवाड्यांना मोठा फटका बसला असून मूर्तीची कमतरता भासणार आहे. गणेशभक्तांची समस्या लक्षात घेऊन मुंबईतील परळ भागातील गणेश मूर्तीकारांनी कोल्हापूर आणि सांगली जिल्ह्यातील पूरग्रस्तांसाठी मोफत गणेशमूर्ती देण्याचा निर्णय घेतला आहे.

पालकमंत्री चंद्रकांत पाटील यांची परळ येथील मूर्तीकारांनी भेट घेऊन पूरग्रस्तांना गणेश मूर्तीसह पूजेचे साहित्य देण्याची तयारी दर्शवली आहे. या निर्णयाबद्दल पालकमंत्र्यांनी त्यांचे आभार मानले. 'परळ मधील मूर्तीकारांनी घेतलेल्या पुढाकारामुळे कोल्हापूर आणि सांगली जिल्ह्यातील पूरग्रस्तांना गणेशोत्सव साजरा करता येणार आहे,' अशी प्रतिक्रिया पालकमंत्री पाटील यांनी व्यक्त केली.