नरंदे (ता.हातकणंगले) येथील सिध्दोबा देवालयाच्या नजीक असलेल्या विहीरीत प्रियांका प्रमोद घारे (वय.२१,रा. इचलकरंजी) या तरुणीचा मृतदेह आढळून आला. प्रियांका ही डी.फार्मसीची विद्यार्थीनी होती. याबाबत मिळालेली अधिक माहीती अशी, इचलकरंजी येथील प्रियांका घारे ही वाठार येथील डी.फार्मसी विद्यालयात शिकत होती. ती १५ जानेवारीपासून बेपत्ता झाल्याची नोंद पेठ वडगाव पोलिस ठाण्यात करण्यात आली आहे.
नरंदे येथील सिद्धेबा देवालयाच्या दर्शनासाठी आलेल्या भाविकांना शेजारील विहीरीत सायंकाळी साडेपाच वाजण्याच्या सुमारास एका तरुणीचा मृतदेह पाण्यावर तरंगाताना आढळून आला. याबाबतची माहिती हातकणंगले पोलिसांना समजताच त्यांनी घटनास्थळी धाव घेतली. प्रियांकाचा खून की आत्महत्या हे अद्याप स्पष्ट झालेले नाही.
