कोल्हापूर : वीजबिल भरण्यासाठी छापील बिलाऐवजी ईमेल व एसएमएसचा पर्याय स्वीकारणाऱ्या ग्राहकांना महावितरणने दहा रुपये सवलत जाहीर केली आहे. एका महिन्यात राज्यातील सुमारे २१ हजाार ग्राहकांनी सवलतीचा लाभ घेतला आहे. अन्य ग्राहकांनीही या सवलतीचा लाभ घेण्याचे आवाहन महावितरणने केले आहे. वीजबिल ऑनलाइन पाहण्यासाठी ग्राहकांना मोबाइल अॅप व www.mahadiscom.in या संकेतस्थळावर विविध पर्याय उपलब्ध करुन दिले आहेत. शिवाय महावितरणतर्फे ग्राहकांना छापील वीजबिलही उपलब्ध करुन देण्यात येते. जे ग्राहक गो ग्रीन सुविधेचा पर्याय निवडतात अशा ग्राहकांना महावितरणने एक डिसेंबर २०१८ पासून प्रतिबिल दहा रुपये सवलत दिली आहे. ग्राहकांनी या सुविधेचा लाभ घ्यावा असे आवाहन महावितरणचे व्यवस्थापकीय संचालक संजीवकुमार यांनी केले आहे.
गो ग्रीन वीज बिलास सवलत
वीजबिल भरण्यासाठी छापील बिलाऐवजी ईमेल व एसएमएसचा पर्याय स्वीकारणाऱ्या ग्राहकांना महावितरणने दहा रुपये सवलत जाहीर केली आहे...
30 13 Jan 2019, 4:00 am