म. टा. वृत्तसेवा, इचलकरंजी
दोन महिन्यांपूर्वी नवी मुंबई येथील बांधकाम व्यावसायिकाच्या खुनाची सुपारी घेणारा मुख्य सूत्रधार आणि आंतरराज्य पिस्तूल तस्कर मनीष नागोरी शहापूर पोलिसांत स्वतःहून हजर झाला. पोलिसांनी त्याला अटक केली आहे. या प्रकरणातील संशयित स्वप्निल फातले याला पोलिसांनी यापूर्वीच अटक केली आहे.
आर्थर रोड जेलमध्ये असलेला बिल्डर सुरेश बिजलानी याच्या खुनाची सुपारी नागोरीने घेतली होती. त्याने हे काम फातलेवर सोपविले होते. २६ सप्टेंबरला शहापूर पोलिसांनी संशयावरुन फातलेला ताब्यात घेतले तेव्हा हे प्रकरण उघडकीस आले होते. नागोरी या प्रकरणातील मुख्य सूत्रधार असल्याचे चौकशीत निष्पन्न झाले होते. तेव्हापासून फरार असलेल्या नागोरीचा पोलिस शोध घेत होते.
नागोरी एका गुन्ह्यात ठाणे कारागृहात असताना त्याची ओळख विनोद नावाच्या क्रिकेट बेटिंग घेणाऱ्या बुकीबरोबर झाली होती. विनोद हा छोटा राजन टोळीशी संबंधित होता. त्याची नवी मुंबईतील बिल्डर सनी लाहोरियाशी घनिष्ठ मैत्री होती. दरम्यानच्या काळात सनीचे वडील सुनील यांची हत्या झाली. त्या हत्येत बिल्डर बिजलानीचा हात असल्याचे निष्पन्न झाल्याने सनी बिजलानीवर चिडून होता. त्याने या संदर्भात विनोदला माहिती दिली होती. तर विनोदने बिजलानीच्या हत्येची सुपारी कोल्हापूर भागातील शूटर्सना देण्याचा डाव आखला होत. त्यासाठी विनोद व सनी या दोघांनी यड्राव परिसरातील एका आलिशान हॉटेलमध्ये नागोरीशी चर्चा केली. त्यात हत्येची सुपारी पक्की होऊन नागोरीला दहा लाख अॅडव्हान्स दिले होते. दरम्यानच्या काळात विनोदचा मृत्यू झाल्याने सनीने नागोरीशी थेट संपर्क ठेवला होता. सनी हा मनीषला प्रत्येक भेटीवेळी नवा हँडसेट व सीम वापरायला देत असे. त्यावरुन तो सनीशी संपर्क करीत होता. दरम्यानच्या काळात बिजलानीवर प्राणघातक हल्ला झाला; पण तो त्यातून बचावला.
संशयावरुन ताब्यात घेतलेल्या स्वप्निलकडे गावठी बनावटीचे पिस्तूल, दोन मॅगझिन, आठ जिवंत काडतुसे आणि रोख दहा हजार असा सव्वालाखाचा मुद्देमाल हस्तगत केला होता. त्याच्याकडील चौकशीत बिजलानीच्या खुनाची सुपारी नागोरीने घेतल्याचे सांगून मनीषसह तो उचगांवमधून पनवेलकडे जाणार असल्याचे सांगितले होते. बिजलानीला तारखेसाठी न्यायालयात नेण्यात येणार होते. त्यावेळी त्याचा गेम करण्याचा कट रचण्यात आला असल्याचे फातले याने सांगितले होते.
दोन महिन्यांपूर्वी नवी मुंबई येथील बांधकाम व्यावसायिकाच्या खुनाची सुपारी घेणारा मुख्य सूत्रधार आणि आंतरराज्य पिस्तूल तस्कर मनीष नागोरी शहापूर पोलिसांत स्वतःहून हजर झाला. पोलिसांनी त्याला अटक केली आहे. या प्रकरणातील संशयित स्वप्निल फातले याला पोलिसांनी यापूर्वीच अटक केली आहे.
आर्थर रोड जेलमध्ये असलेला बिल्डर सुरेश बिजलानी याच्या खुनाची सुपारी नागोरीने घेतली होती. त्याने हे काम फातलेवर सोपविले होते. २६ सप्टेंबरला शहापूर पोलिसांनी संशयावरुन फातलेला ताब्यात घेतले तेव्हा हे प्रकरण उघडकीस आले होते. नागोरी या प्रकरणातील मुख्य सूत्रधार असल्याचे चौकशीत निष्पन्न झाले होते. तेव्हापासून फरार असलेल्या नागोरीचा पोलिस शोध घेत होते.
नागोरी एका गुन्ह्यात ठाणे कारागृहात असताना त्याची ओळख विनोद नावाच्या क्रिकेट बेटिंग घेणाऱ्या बुकीबरोबर झाली होती. विनोद हा छोटा राजन टोळीशी संबंधित होता. त्याची नवी मुंबईतील बिल्डर सनी लाहोरियाशी घनिष्ठ मैत्री होती. दरम्यानच्या काळात सनीचे वडील सुनील यांची हत्या झाली. त्या हत्येत बिल्डर बिजलानीचा हात असल्याचे निष्पन्न झाल्याने सनी बिजलानीवर चिडून होता. त्याने या संदर्भात विनोदला माहिती दिली होती. तर विनोदने बिजलानीच्या हत्येची सुपारी कोल्हापूर भागातील शूटर्सना देण्याचा डाव आखला होत. त्यासाठी विनोद व सनी या दोघांनी यड्राव परिसरातील एका आलिशान हॉटेलमध्ये नागोरीशी चर्चा केली. त्यात हत्येची सुपारी पक्की होऊन नागोरीला दहा लाख अॅडव्हान्स दिले होते. दरम्यानच्या काळात विनोदचा मृत्यू झाल्याने सनीने नागोरीशी थेट संपर्क ठेवला होता. सनी हा मनीषला प्रत्येक भेटीवेळी नवा हँडसेट व सीम वापरायला देत असे. त्यावरुन तो सनीशी संपर्क करीत होता. दरम्यानच्या काळात बिजलानीवर प्राणघातक हल्ला झाला; पण तो त्यातून बचावला.
संशयावरुन ताब्यात घेतलेल्या स्वप्निलकडे गावठी बनावटीचे पिस्तूल, दोन मॅगझिन, आठ जिवंत काडतुसे आणि रोख दहा हजार असा सव्वालाखाचा मुद्देमाल हस्तगत केला होता. त्याच्याकडील चौकशीत बिजलानीच्या खुनाची सुपारी नागोरीने घेतल्याचे सांगून मनीषसह तो उचगांवमधून पनवेलकडे जाणार असल्याचे सांगितले होते. बिजलानीला तारखेसाठी न्यायालयात नेण्यात येणार होते. त्यावेळी त्याचा गेम करण्याचा कट रचण्यात आला असल्याचे फातले याने सांगितले होते.