अभय कुरुंदकरच्या जामीन अर्जावर आज सुनावणी

म. टा. प्रतिनिधी, कोल्हापूर

सहाय्यक पोलिस निरीक्षक अश्विनी बिंद्रे हत्येप्रकरणी प्रमुख आरोपी पोलिस निरीक्षक अभय कुरुंदकर यांच्या जामीन अर्जावर सोमवारी (ता. २५) अलिबाग (जि. रायगड) येथील कोर्टात सुनावणी होणार आहे. तसेच या गुन्ह्यातील दुसरा संशयित राजेश पाटील यांच्या जामीन अर्जावर मंगळवारी (ता. २६ ) मुंबई हायकोर्टात सुनावणी होणार आहे. या गुन्ह्याचा तपास एसीपी संगीता शिंदे-अल्फान्सो करत आहेत. त्यांच्या तपासाची मुदत ३० जूनला संपणार आहे. तपास अधिकारी अल्फान्सो यांना कार्यमुक्त न करता त्यांच्याकडे गुन्ह्याचा तपास कायम ठेवावा, अशी मागणी बिंद्रे व गोरे कुटुंबीयांनी केली आहे.