म. टा. प्रतिनिधी, कोल्हापूर
पक्षांतर बंदी कायद्यामुळे अपात्र ठरलेल्या महापालिकेच्या राष्ट्रवादी काँग्रेसचे नगरसेवक अजिंक्य चव्हाण आणि अफजल पिरजादे यांनी दाखल केलेल्या याचिकेवर मुंबई हायकोर्टात सोमवारी (ता. १७) सुनावणी होणार आहे. अपात्रतेला स्थगिती न मिळाल्यास दोन्ही प्रभागांत पोटनिवडणूक लागण्याची शक्यता आहे.
डिसेंबर २०१७मध्ये झालेल्या स्थायी समितीच्या निवडणुकीमध्ये पक्षाचा व्हीप डावलून चव्हाण आणि पिरजादे यांनी भाजप-ताराराणी आघाडीचे उमेदवार आशिष ढवळे यांना मतदान केले. दोन नगरसेवक विरोधी गटात गेल्याने पक्षाच्या उमेदवार मेघा पाटील यांना पराभव स्वीकारावा लागला होता. पक्षविरोधी मतदान केल्याने गटनेते सुनील पाटील यांनी दोघांविरोधात विभागीय आयुक्तांकडे त्यांचे नगरसेवक पद अपात्र ठरवावे अशी मागणी केली होती. मात्र तक्रार केल्यानंतर आठ महिन्यांनी विभागीय आयुक्तांनी कोणताही निर्णय घेतला नाही. तसेच सुनावणीसाठी नोटिसाही दिल्या नाहीत. परिणामी नुकत्याच झालेल्या महापौर निवडीपूर्वी गटनेते पाटील यांनी तक्रार मागे घेतली. पण विभागीय आयुक्तांनी दोन्ही नगरसेवकांना पक्षांतरबंदी कायद्यानुसार अपात्र ठरवले. या निर्णयामुळे चव्हाण व पिरजादे यांना महापौर निवडीवेळी मतदान करता आले नाही. परिणामी अपात्रतेला आव्हान देणारी याचिका चव्हाण व पिरजादे यांनी मुंबई हायकोर्टात दाखल केली. याचिकेवर आज सुनावणी होणार आहे. कोर्टाच्या निकालावरच दोन्ही नगरसेवकांचे भवितव्य अवलंबून राहणार आहे.
पक्षांतर बंदी कायद्यामुळे अपात्र ठरलेल्या महापालिकेच्या राष्ट्रवादी काँग्रेसचे नगरसेवक अजिंक्य चव्हाण आणि अफजल पिरजादे यांनी दाखल केलेल्या याचिकेवर मुंबई हायकोर्टात सोमवारी (ता. १७) सुनावणी होणार आहे. अपात्रतेला स्थगिती न मिळाल्यास दोन्ही प्रभागांत पोटनिवडणूक लागण्याची शक्यता आहे.
डिसेंबर २०१७मध्ये झालेल्या स्थायी समितीच्या निवडणुकीमध्ये पक्षाचा व्हीप डावलून चव्हाण आणि पिरजादे यांनी भाजप-ताराराणी आघाडीचे उमेदवार आशिष ढवळे यांना मतदान केले. दोन नगरसेवक विरोधी गटात गेल्याने पक्षाच्या उमेदवार मेघा पाटील यांना पराभव स्वीकारावा लागला होता. पक्षविरोधी मतदान केल्याने गटनेते सुनील पाटील यांनी दोघांविरोधात विभागीय आयुक्तांकडे त्यांचे नगरसेवक पद अपात्र ठरवावे अशी मागणी केली होती. मात्र तक्रार केल्यानंतर आठ महिन्यांनी विभागीय आयुक्तांनी कोणताही निर्णय घेतला नाही. तसेच सुनावणीसाठी नोटिसाही दिल्या नाहीत. परिणामी नुकत्याच झालेल्या महापौर निवडीपूर्वी गटनेते पाटील यांनी तक्रार मागे घेतली. पण विभागीय आयुक्तांनी दोन्ही नगरसेवकांना पक्षांतरबंदी कायद्यानुसार अपात्र ठरवले. या निर्णयामुळे चव्हाण व पिरजादे यांना महापौर निवडीवेळी मतदान करता आले नाही. परिणामी अपात्रतेला आव्हान देणारी याचिका चव्हाण व पिरजादे यांनी मुंबई हायकोर्टात दाखल केली. याचिकेवर आज सुनावणी होणार आहे. कोर्टाच्या निकालावरच दोन्ही नगरसेवकांचे भवितव्य अवलंबून राहणार आहे.