म. टा. प्रतिनिधी, कोल्हापूर
महाराष्ट्र स्टेट-को-ऑप हाउसिंग फायनान्स कॉर्पोरेशनच्या अध्यक्षपदी बांधकाम व्यावसायिक व्ही. बी. पाटील तर उपाध्यक्षपदी औरंगाबादचे सुनील जाधव यांची बिनविरोध निवड झाली. काँग्रेस आणि राष्ट्रवादीने आघाडी केल्याने या निवडी बिनविरोध झाल्या. निवडणूक निर्णय अधिकारी प्रशांत सोनवणे यांच्या अध्यक्षतेखाली झालेल्या संचालक मंडळाच्या बैठकीत ही निवड झाली. पाटील हे गेली वीस वर्षे या संस्थेचे संचालक आहेत. यापूर्वी १९९९ साली त्यांनी या संस्थेचे अध्यक्षपद भूषवले होते. संचालक मंडळ निवडणूक गेल्या महिन्यात झाली. त्यातही त्यांची बिनविरोध निवड झाली.