‘ठेकेदार नियुक्तीची चौकशी करा’

कोल्हापूर: बांधकाम कल्याणकारी मंडळातील ठेकेदार निवडीवेळी झालेल्या भ्रष्टाचार प्रकरणातील दोषी मंत्री, अधिकाऱ्यांची चौकशी करावी, अशा मागणीचे निवेदन लाल बावटा बांधकाम व्यवसाय कामगार संघटनेतर्फे निवासी उपजिल्हाधिकारी संजय शिंदे यांना देण्यात आले. निवेदनात म्हटले आहे, 'बांधकाम कामगारांना सेप्टी किट देण्याचा निर्णय सरकारने घेतला. किट देण्यासाठी ठेकेदार नियुक्तीसाठी निविदा काढण्यात आली. ठेका देण्याची प्रक्रिया पूर्ण झाली. त्यात कोट्यावधींच्या गंडा घातलेल्या आणि काळ्या यादीतील कंपनीना दिल्याचे पुढे आले. त्याची चौकशी करून दोषी मंत्री, अधिकारी, ठेकेदारांवर कारवाई करावी.' निवेदन देताना भरमा कांबळे, शिवाजी मगदूम, प्रकाश कुंभार, चंद्रकांत यादव, संदीप सुतार आदी उपस्थित होते.