rajendra patil yadravkar : महाराष्ट्राच्या आरोग्य राज्यमंत्र्यांना कर्नाटक पोलिसांनी रोखले

म. टा . प्रतिनिधी, कोल्हापूर: संयुक्त महाराष्ट्र लढ्यातील हुतात्म्यांना अभिवादन करण्यासाठी बेळगावला निघालेले राज्याचे आरोग्य राज्यमंत्री राजेंद्र पाटील-यड्रावकर ( rajendra patil yadravkar ) यांना कर्नाटक पोलिसांनी रोखले. यामुळे कोगनोळी टोल नाक्यावर सकाळी बराच गोंधळ झाला.

गेल्यावर्षी मंत्री यड्रावकर हे एसटीने बेळगावला पोहोचले होते. यामुळे यंदा त्यांना कोणत्याही परिस्थितीत बेळगावला पोहोचू द्यायचे नाही म्हणून कर्नाटक पोलिसांचा फौजफाटा कोगनोळी नाक्यावर दाखल झाला होता. सकाळी प्रत्येक वाहनाची कडक तपासणी करून पुढे सोडण्यात येत होते. कोगनोळी टोलनाक्यावर मंत्री यड्रावकर पोहोचताच त्यांना पोलिसांनी रोखले. यावेळी पोलीस आणि कार्यकर्ते यांच्यात वादावादी झाल्याने गोंधळ निर्माण झाला.
यड्रावकर आणि त्यांच्या समर्थकांनी यावेळी बेळगाव, कारवार, निपाणी, बिदर, भालकीसह संयुक्त महाराष्ट्र झालाच पाहिजे, अशा जोरदार घोषणा दिल्या. कर्नाटक सरकारच्या दडपशाहीचा मंत्री यड्रावकर यांनी निषेध केला. दरम्यान, देशाचे गृहराज्यमंत्री अमित शहा यांनी मराठी भाषिकांच्या शिष्टमंडळाला भेट नाकारल्याबद्दल त्यांनी नाराजीही व्यक्त केली.
मुंडेंनी दोन दिवसांत राजीनामा न दिल्यास भाजप उचलणार 'हे' पाऊल