म. टा. प्रतिनिधी, प्रतिनिधी
खुनाच्या गुन्ह्यात शिक्षा भोगत असलेल्या आरोपीने पॅरोलवर सुटल्यावर फरारी झाला. त्यानंतर तो गोकुळ हॉटेलमध्ये पुऱ्या तळायला लागला. पुऱ्या तळत असताना त्याने एटीएम सेंटर फोडून रोख रक्कम चोरण्याचा प्लॅन आखला. मात्र सतर्क नागरिक व गस्त घालणाऱ्या पोलिसांनी एटीएम मशिन फोडण्याच्या प्रयत्न करणाऱ्या सुबोध प्रसाद महतो (वय ३४, रा. बरका खुर्द, पो. रतनपूर, ठाणा ईचाक, जि. हाजारीबाग, झारखंड) याला अटक केली.
राजारामपुरी पोलिस ठाण्याचे निरीक्षक अमृत देशमुख यांनी गुन्ह्याची माहिती दिली. बुधवारी मध्यरात्री स्वतः देशमुख यांच्यासह पोलिस उपनिरीक्षक आण्णाप्पा कांबळे गस्त घालत होते. राजारामपुरी दहावी गल्लीत राजाबाळ पान शॉप येथे पोलिसांची मोटार थांबली असता सरस्वती कॉम्प्लेक्समधील सुजय जयसिंगराव शिंदे यांनी त्यांना बिल्डिंगच्या एटीएम सेंटरच्या गाळ्यात आवाज येत असल्याचे सांगितले. शिंदे यांनी रात्री अकरा वाजता एटीएम सेंटर बंद केले होते. पोलिसांनी एटीएम सेंटरमध्ये प्रवेश केला असता तिथे संशयित एटीएम मशिनचे फ्रंट डोअर उघडण्याचा प्रयत्न करत होता. सेंटरमध्ये दोन गॅस सिलिंडर, नोजल, मीटर असलेली गॅस पाइप, लहान लोखंडी पहार, स्क्रू ड्रायव्हर, पाने, गोणपाट सापडली. पोलिसांनी संशयितांकडे चौकशी केली असता त्याने विनोद जगदीश गहलोत असे नाव सांगितले. त्यानंतर दुसऱ्यांदा चौकशी केल्यावर अनिल उर्फ छोट्या असे नाव सांगितले. पोलिसांनी त्याला पुन्हा खडसावून विचारले असता त्याने सुबोध महतो असे नाव सांगितले. त्याने राजारामपुरी येथील सिंडीकेट बँकेचे एटीएम सेंटरही फोडण्याचा प्रयत्न केला होता. त्याने दोन सीसीटीव्ही कॅमेरे काढून गॅस सिलिंडरव्दारे एटीएम सेंटर फोडण्याचा प्रयत्न केला.
दिवसभर पोलिसांनी संशयित महतोकडे चौकशी केली असता तो कळंबा कारागृहात शिक्षा भोगणारा कैदी असल्याचे तपासात पुढे आले. २००३ मध्ये अंधेरी पोलिस ठाण्याच्या हद्दीत त्याने एका व्यक्तीचे अपहरण करून, चोरी करून खून केल्याप्रकरणी त्याला शिक्षा झाली असून तो कळंबा मध्यवर्ती कारागृहात शिक्षा भोगत होता. २०११ मध्ये तो पॅरोल रजेवर सुटला. रजा संपल्यानंतरही तो कळंबा कारागृहात परतला नाही. गेली सहा वर्षे तो फरारी होता. गेले वर्षभर तो गोकुळ हॉटेलमध्ये पुऱ्या तळण्याचे काम करत होता. त्याच्यावर ओशिवरा पोलिस ठाण्यातही चोरीचा गुन्हा दाखल आहे. पाच दिवसांपूर्वी गोकुळ हॉटेलचे मॅनेजरला आपण गावी जाऊन येथून असे खोटे सांगितले होते. त्यानंतर त्याने एटीएम सेंटर फोडण्याचा प्रयत्न केला आणि चोरीच्या गुन्ह्यात पोलिसांच्या सापळ्यात पडला.
खुनाच्या गुन्ह्यात शिक्षा भोगत असलेल्या आरोपीने पॅरोलवर सुटल्यावर फरारी झाला. त्यानंतर तो गोकुळ हॉटेलमध्ये पुऱ्या तळायला लागला. पुऱ्या तळत असताना त्याने एटीएम सेंटर फोडून रोख रक्कम चोरण्याचा प्लॅन आखला. मात्र सतर्क नागरिक व गस्त घालणाऱ्या पोलिसांनी एटीएम मशिन फोडण्याच्या प्रयत्न करणाऱ्या सुबोध प्रसाद महतो (वय ३४, रा. बरका खुर्द, पो. रतनपूर, ठाणा ईचाक, जि. हाजारीबाग, झारखंड) याला अटक केली.
राजारामपुरी पोलिस ठाण्याचे निरीक्षक अमृत देशमुख यांनी गुन्ह्याची माहिती दिली. बुधवारी मध्यरात्री स्वतः देशमुख यांच्यासह पोलिस उपनिरीक्षक आण्णाप्पा कांबळे गस्त घालत होते. राजारामपुरी दहावी गल्लीत राजाबाळ पान शॉप येथे पोलिसांची मोटार थांबली असता सरस्वती कॉम्प्लेक्समधील सुजय जयसिंगराव शिंदे यांनी त्यांना बिल्डिंगच्या एटीएम सेंटरच्या गाळ्यात आवाज येत असल्याचे सांगितले. शिंदे यांनी रात्री अकरा वाजता एटीएम सेंटर बंद केले होते. पोलिसांनी एटीएम सेंटरमध्ये प्रवेश केला असता तिथे संशयित एटीएम मशिनचे फ्रंट डोअर उघडण्याचा प्रयत्न करत होता. सेंटरमध्ये दोन गॅस सिलिंडर, नोजल, मीटर असलेली गॅस पाइप, लहान लोखंडी पहार, स्क्रू ड्रायव्हर, पाने, गोणपाट सापडली. पोलिसांनी संशयितांकडे चौकशी केली असता त्याने विनोद जगदीश गहलोत असे नाव सांगितले. त्यानंतर दुसऱ्यांदा चौकशी केल्यावर अनिल उर्फ छोट्या असे नाव सांगितले. पोलिसांनी त्याला पुन्हा खडसावून विचारले असता त्याने सुबोध महतो असे नाव सांगितले. त्याने राजारामपुरी येथील सिंडीकेट बँकेचे एटीएम सेंटरही फोडण्याचा प्रयत्न केला होता. त्याने दोन सीसीटीव्ही कॅमेरे काढून गॅस सिलिंडरव्दारे एटीएम सेंटर फोडण्याचा प्रयत्न केला.
दिवसभर पोलिसांनी संशयित महतोकडे चौकशी केली असता तो कळंबा कारागृहात शिक्षा भोगणारा कैदी असल्याचे तपासात पुढे आले. २००३ मध्ये अंधेरी पोलिस ठाण्याच्या हद्दीत त्याने एका व्यक्तीचे अपहरण करून, चोरी करून खून केल्याप्रकरणी त्याला शिक्षा झाली असून तो कळंबा मध्यवर्ती कारागृहात शिक्षा भोगत होता. २०११ मध्ये तो पॅरोल रजेवर सुटला. रजा संपल्यानंतरही तो कळंबा कारागृहात परतला नाही. गेली सहा वर्षे तो फरारी होता. गेले वर्षभर तो गोकुळ हॉटेलमध्ये पुऱ्या तळण्याचे काम करत होता. त्याच्यावर ओशिवरा पोलिस ठाण्यातही चोरीचा गुन्हा दाखल आहे. पाच दिवसांपूर्वी गोकुळ हॉटेलचे मॅनेजरला आपण गावी जाऊन येथून असे खोटे सांगितले होते. त्यानंतर त्याने एटीएम सेंटर फोडण्याचा प्रयत्न केला आणि चोरीच्या गुन्ह्यात पोलिसांच्या सापळ्यात पडला.