म. टा. प्रतिनिधी, कोल्हापूर
आयआरबीचे पैसे माजी मंत्र्यांनी खाल्ले आणि कारभाऱ्यांनाही वाटले हे सारे जगजाहीर आहे. थेट पाइपलाइन योजना ज्यांनी मंजूर करून आणली, त्यांनीच यामध्ये भ्रष्टाचार केला असा आरोप माजी महापौर सुनील कदम यांनी शुक्रवारी महापालिकेच्या सर्वसाधारण सभेत केला. त्याला काँग्रेस, राष्ट्रवादी काँग्रेसच्या नगरसेवकांनी त्याला जोरदार हरकत घेतल्याने सभेत गोंधळ उडाला. काँग्रेस, राष्ट्रवादीच्या मंत्र्यांची नावे न घेता केल्या गेलेल्या आरोपांमुळे महापौर हसीना फरास यांनीही ‘नेत्यांबाबतचे आरोप ऐकून घेतले जाणार नाही,’ असा इशारा देत गोंधळ थांबवण्यासाठी अखेर काही वेळासाठी सभा तहकूब केली. दरम्यान, योजनेतील सदोष कामाबाबत अहवाल आल्यानंतर अधिकाऱ्यांसह कन्सल्टंटवर कारवाई करू, असे आश्वासन आयुक्त डॉ. अभिजित चौधरी यांनी दिले.
महापालिकेची सर्वसाधारण सभा शुक्रवारी झाली. नूतन आयुक्त डॉ. अभिजित चौधरी यांची ही पहिलीच सभा होती. गेल्या महिन्यापासून गाजत असलेल्या थेट पाइपलाइनच्या विषयावर सभेत जोरदार चर्चा होण्याची अपेक्षा होती. झालेही तसेच नगरसेवकांनी केलेल्या चर्चेतून योजनेतील शंकास्पद कामाची लक्तरे मांडली. कंत्राटदाराला मुदतवाढ दिली जाणार असेल तर त्या कालावधीत योजना पूर्ण होणार का? ब्लॅकलिस्ट केलेल्या कंपनीकडून पाइपलाइनची तपासणी केली जात असेल तर भविष्यातील घोटाळ्याला कोण जबाबदार? कन्सल्टंटने महापालिकेचा विश्वासघात केला आहे. त्याबाबत त्याच्यावर फौजदारी दाखल करावी. कामाची ऑडिटर जनरल कडून तपासणी करण्यात यावी. नार्को टेस्ट, लाचलुचपत प्रतिबंधक विभागाकडून चौकशी करण्यात यावी, अशा अनेक मागणअया यावेळी करण्यात आल्या.
माजी महापौर कदम यांनी या ‘योजनेत सुरुवातीपासून त्रुटी आहेत. त्या दूर करण्याची आवश्यकता आहे. त्यासाठी चांगले अधिकारी नेमा. जर ही योजना बदनाम झाली तर त्यापुढे कोल्हापूरला काम करण्यासाठी कुणी येणार नाही’, असे सांगितले. ‘आयआरबी, एसटीपीच्या प्रकल्पांत काय झाले हे सर्वांसमोर आहे. दोन माजी मंत्र्यांनी आयआरबीच्या प्रकल्पात पैसे खाल्ले. कारभाऱ्यांनाही वाटले हे जगजाहीर आहे. थेट पाइपलाइन योजनेतही नगरसेवकांवर दबाव टाकून ती मंजूर करून घेतली. ज्यांनी ही योजना मंजूर करून आणली, त्यांनीच या योजनेत भ्रष्टाचार केला’ असा आरोपही केला.
त्याला प्रा. जयंत पाटील, काँग्रेसचे सभागृह नेते प्रविण केसरकर, भूपाल शेटे, अशोक जाधव, मोहन सालपे यांनी जोरदार आक्षेप घेतल्यामुळे गोंधळ उडाला. त्यानंतर कदम यांच्याबरोबर सत्यजित कदम यांनीही हेच आरोप केल्यामुळे गोंधळ आणखी वाढला. महापौर फरास यांनी सर्वांना सातत्याने शांतता राखण्याचे आवाहन केले. तरीही गोंधळ थांबत नसल्याने शेवटी सभा काही काळासाठी तहकूब केली.
सभेतील मागण्या
गैरव्यवहाराला कारणीभूत युनिटी कन्सल्टंटला तातडीने दूर करावे
महापालिकेच्या फसवणुकीबाबत कन्सल्टंटवर फौजदारी करा
अधिकाऱ्यांचे मोबाइल रेकॉडिंग तपासा
अधिकाऱ्यांना निलंबीत करा
आयआरबीचे पैसे माजी मंत्र्यांनी खाल्ले आणि कारभाऱ्यांनाही वाटले हे सारे जगजाहीर आहे. थेट पाइपलाइन योजना ज्यांनी मंजूर करून आणली, त्यांनीच यामध्ये भ्रष्टाचार केला असा आरोप माजी महापौर सुनील कदम यांनी शुक्रवारी महापालिकेच्या सर्वसाधारण सभेत केला. त्याला काँग्रेस, राष्ट्रवादी काँग्रेसच्या नगरसेवकांनी त्याला जोरदार हरकत घेतल्याने सभेत गोंधळ उडाला. काँग्रेस, राष्ट्रवादीच्या मंत्र्यांची नावे न घेता केल्या गेलेल्या आरोपांमुळे महापौर हसीना फरास यांनीही ‘नेत्यांबाबतचे आरोप ऐकून घेतले जाणार नाही,’ असा इशारा देत गोंधळ थांबवण्यासाठी अखेर काही वेळासाठी सभा तहकूब केली. दरम्यान, योजनेतील सदोष कामाबाबत अहवाल आल्यानंतर अधिकाऱ्यांसह कन्सल्टंटवर कारवाई करू, असे आश्वासन आयुक्त डॉ. अभिजित चौधरी यांनी दिले.
महापालिकेची सर्वसाधारण सभा शुक्रवारी झाली. नूतन आयुक्त डॉ. अभिजित चौधरी यांची ही पहिलीच सभा होती. गेल्या महिन्यापासून गाजत असलेल्या थेट पाइपलाइनच्या विषयावर सभेत जोरदार चर्चा होण्याची अपेक्षा होती. झालेही तसेच नगरसेवकांनी केलेल्या चर्चेतून योजनेतील शंकास्पद कामाची लक्तरे मांडली. कंत्राटदाराला मुदतवाढ दिली जाणार असेल तर त्या कालावधीत योजना पूर्ण होणार का? ब्लॅकलिस्ट केलेल्या कंपनीकडून पाइपलाइनची तपासणी केली जात असेल तर भविष्यातील घोटाळ्याला कोण जबाबदार? कन्सल्टंटने महापालिकेचा विश्वासघात केला आहे. त्याबाबत त्याच्यावर फौजदारी दाखल करावी. कामाची ऑडिटर जनरल कडून तपासणी करण्यात यावी. नार्को टेस्ट, लाचलुचपत प्रतिबंधक विभागाकडून चौकशी करण्यात यावी, अशा अनेक मागणअया यावेळी करण्यात आल्या.
माजी महापौर कदम यांनी या ‘योजनेत सुरुवातीपासून त्रुटी आहेत. त्या दूर करण्याची आवश्यकता आहे. त्यासाठी चांगले अधिकारी नेमा. जर ही योजना बदनाम झाली तर त्यापुढे कोल्हापूरला काम करण्यासाठी कुणी येणार नाही’, असे सांगितले. ‘आयआरबी, एसटीपीच्या प्रकल्पांत काय झाले हे सर्वांसमोर आहे. दोन माजी मंत्र्यांनी आयआरबीच्या प्रकल्पात पैसे खाल्ले. कारभाऱ्यांनाही वाटले हे जगजाहीर आहे. थेट पाइपलाइन योजनेतही नगरसेवकांवर दबाव टाकून ती मंजूर करून घेतली. ज्यांनी ही योजना मंजूर करून आणली, त्यांनीच या योजनेत भ्रष्टाचार केला’ असा आरोपही केला.
त्याला प्रा. जयंत पाटील, काँग्रेसचे सभागृह नेते प्रविण केसरकर, भूपाल शेटे, अशोक जाधव, मोहन सालपे यांनी जोरदार आक्षेप घेतल्यामुळे गोंधळ उडाला. त्यानंतर कदम यांच्याबरोबर सत्यजित कदम यांनीही हेच आरोप केल्यामुळे गोंधळ आणखी वाढला. महापौर फरास यांनी सर्वांना सातत्याने शांतता राखण्याचे आवाहन केले. तरीही गोंधळ थांबत नसल्याने शेवटी सभा काही काळासाठी तहकूब केली.
सभेतील मागण्या
गैरव्यवहाराला कारणीभूत युनिटी कन्सल्टंटला तातडीने दूर करावे
महापालिकेच्या फसवणुकीबाबत कन्सल्टंटवर फौजदारी करा
अधिकाऱ्यांचे मोबाइल रेकॉडिंग तपासा
अधिकाऱ्यांना निलंबीत करा