म. टा. प्रतिनिधी, कोल्हापूर
महावीर गार्डनच्या वॉकिंग ट्रॅकवर फिरायला आलेल्या वृद्धेच्या गळ्यातील, अडीच तोळे सोन्याचे ७५ हजार रुपये किंमतीचे मंगळसूत्र हिसडा मारून अज्ञात चोरट्याने पळवले. मंगळवारी (ता. २४) संध्याकाळी सव्वासातच्या सुमारास हा प्रकार घडला. आशा सुधाकर कामत (वय ७७, मूळ रा. प्लॉट नं. २०१, गुरुकुल पॅलेस, टिळकवाडी, बेळगाव, सध्या फ्लॅट नं. २०४, डी. सी. एलिगन्स, शाहू ब्लड बँकेजवळ) यांनी शाहूपुरी पोलिस ठाण्यात फिर्याद दाखल केली आहे.
मूळच्या बेळगावच्या आशा कामत यांचा शाहू ब्लड बँकेजवळील डीसी एलिगन्समध्ये फ्लॅट आहे. कुटुंबीयांसमवेत त्या येथे राहतात. रोज संध्याकाळी साडेसहा ते साडेसात या वेळेत त्या पतीसह फिरण्यासाठी महावीर गार्डनमध्ये जातात. मंगळवारी संध्याकाळी पती सुधाकर यांच्यासह गार्डनमध्ये गेल्या. वॉकिंग ट्रॅकवरून दोघेही चालत होते. सव्वासातच्या सुमारास अंदाजे ३० ते ३५ वर्षे वयाचा एक तरुण समोरून आला. अचानक त्याने आशा यांच्या गळ्यातील मंगळसूत्र हिसडा मारून तोडले. त्यानंतर त्याने जिल्हाधिकारी कार्यालय चौकाच्या बाजूने धूम ठोकली. काही क्षणात घडलेल्या या प्रकाराने कामत दाम्पत्य गोंधळले. त्यांनी आरडाओरडा केला. मात्र तोपर्यंत चोरटा पळाला. चोरट्याने हिसडा मारल्याने आशा जमिनीवर कोसळल्या. त्यांच्या गळ्यावर जखम झाली. त्यांनी शाहूपुरी पोलिस ठाण्यात फिर्याद दिली.
शहर डीवायएसपी डॉ. प्रशांत अमृतकर, शाहूपुरीचे प्रभारी निरीक्षक संजय साळुंखे यांनी गार्डनमध्ये पाहणी केली. परिसरातील सीसीटीव्ही फुटेजही मिळवले. चोरट्याने चॉकलेटी रंगाचा शर्ट घातला होता. बराच काळ गार्डनमध्ये रेंगाळत असल्याचे दिसले.
महावीर गार्डनच्या वॉकिंग ट्रॅकवर फिरायला आलेल्या वृद्धेच्या गळ्यातील, अडीच तोळे सोन्याचे ७५ हजार रुपये किंमतीचे मंगळसूत्र हिसडा मारून अज्ञात चोरट्याने पळवले. मंगळवारी (ता. २४) संध्याकाळी सव्वासातच्या सुमारास हा प्रकार घडला. आशा सुधाकर कामत (वय ७७, मूळ रा. प्लॉट नं. २०१, गुरुकुल पॅलेस, टिळकवाडी, बेळगाव, सध्या फ्लॅट नं. २०४, डी. सी. एलिगन्स, शाहू ब्लड बँकेजवळ) यांनी शाहूपुरी पोलिस ठाण्यात फिर्याद दाखल केली आहे.
मूळच्या बेळगावच्या आशा कामत यांचा शाहू ब्लड बँकेजवळील डीसी एलिगन्समध्ये फ्लॅट आहे. कुटुंबीयांसमवेत त्या येथे राहतात. रोज संध्याकाळी साडेसहा ते साडेसात या वेळेत त्या पतीसह फिरण्यासाठी महावीर गार्डनमध्ये जातात. मंगळवारी संध्याकाळी पती सुधाकर यांच्यासह गार्डनमध्ये गेल्या. वॉकिंग ट्रॅकवरून दोघेही चालत होते. सव्वासातच्या सुमारास अंदाजे ३० ते ३५ वर्षे वयाचा एक तरुण समोरून आला. अचानक त्याने आशा यांच्या गळ्यातील मंगळसूत्र हिसडा मारून तोडले. त्यानंतर त्याने जिल्हाधिकारी कार्यालय चौकाच्या बाजूने धूम ठोकली. काही क्षणात घडलेल्या या प्रकाराने कामत दाम्पत्य गोंधळले. त्यांनी आरडाओरडा केला. मात्र तोपर्यंत चोरटा पळाला. चोरट्याने हिसडा मारल्याने आशा जमिनीवर कोसळल्या. त्यांच्या गळ्यावर जखम झाली. त्यांनी शाहूपुरी पोलिस ठाण्यात फिर्याद दिली.
शहर डीवायएसपी डॉ. प्रशांत अमृतकर, शाहूपुरीचे प्रभारी निरीक्षक संजय साळुंखे यांनी गार्डनमध्ये पाहणी केली. परिसरातील सीसीटीव्ही फुटेजही मिळवले. चोरट्याने चॉकलेटी रंगाचा शर्ट घातला होता. बराच काळ गार्डनमध्ये रेंगाळत असल्याचे दिसले.