म. टा. प्रतिनिधी, कोल्हापूर
अतिक्रमण निर्मूलन पथकाकडून नागोजीराव पाटणकर हायस्कूलसमोरील ओढ्यालगतची केबिन्स काढण्याची मोहीम बुधवारी थांबवल्याने त्यासाठी कारणीभूत नगरसेवकावर कारवाई होण्याची शक्यता गुरुवारी दिवसभर महापालिकेच्या वर्तुळात होती. या पार्श्वभूमीवर दोन दिवसांची मुदत घेतलेल्या नगरसेवक प्रतापसिंह जाधव यांनी केबिन्सधारकांना गुरुवारीच तेथील अनाधिकृत केबिन्स काढून घेण्यास भाग पाडले. दरम्यान, अतिक्रमण हटाववेळी केबीनधारक व त्यांच्या समर्थकांकडून वादावादी केली जात असल्याने वातावरण शांत करण्यासाठी मी मध्यस्थी करण्याचा प्रयत्न केला, असे पत्रक जाधव यांनी दिले आहे.
बुधवारी पाटणकर हायस्कूलसमोर अतिक्रमण निर्मूलन मोहीम सुरू असताना तेथील केबिनधारकांच्यावतीने नगरसेवक जाधव यांनी दोन दिवसांची मुदत मागून घेतली. त्यानुसार महापालिकेच्या अधिकाऱ्यांनीही मुदत मान्य केल्याने अतिक्रमण निर्मूलन पथकाने मोहीम अर्ध्यावर सोडून काम बंद केले होते. याचे महापालिकेच्यावतीने चित्रीकरण करण्यात आले होते. नगरसेवक उपस्थित असतानाची छायाचित्रेही प्रसिद्ध झाली होती. मोहीम थांबवल्याने नगरसेवक अडचणीत येण्याची चर्चा दिवसभर महापालिका वर्तुळात होती. त्यामुळे नगरसेवक जाधव यांनी स्वतः थांबून अनाधिकृत केबिन्स काढून घेतल्या. अतिक्रमण निर्मूलन मोहिमेस विरोध करण्याचा हेतू नसल्याचेही जाधव यांनी पत्रकात म्हटले आहे.
दरम्यान, गांधीनगर येथील रस्त्यावर कोर्टाकडून स्थगिती असताना केल्या जात असलेल्या बांधकामाची शहर अभियंता नेत्रदिप सरनोबत व उपशहर अभियंता हर्षजीत घाटगे यांनी गुरुवारी दुपारी पाहणी केली. आठ दिवसानंतर नव्याने सुरू असलेल्या बांधकामावर कारवाई करण्यात येणार असल्याचे सरनोबत यांनी सांगितले.
अतिक्रमण निर्मूलन पथकाकडून नागोजीराव पाटणकर हायस्कूलसमोरील ओढ्यालगतची केबिन्स काढण्याची मोहीम बुधवारी थांबवल्याने त्यासाठी कारणीभूत नगरसेवकावर कारवाई होण्याची शक्यता गुरुवारी दिवसभर महापालिकेच्या वर्तुळात होती. या पार्श्वभूमीवर दोन दिवसांची मुदत घेतलेल्या नगरसेवक प्रतापसिंह जाधव यांनी केबिन्सधारकांना गुरुवारीच तेथील अनाधिकृत केबिन्स काढून घेण्यास भाग पाडले. दरम्यान, अतिक्रमण हटाववेळी केबीनधारक व त्यांच्या समर्थकांकडून वादावादी केली जात असल्याने वातावरण शांत करण्यासाठी मी मध्यस्थी करण्याचा प्रयत्न केला, असे पत्रक जाधव यांनी दिले आहे.
बुधवारी पाटणकर हायस्कूलसमोर अतिक्रमण निर्मूलन मोहीम सुरू असताना तेथील केबिनधारकांच्यावतीने नगरसेवक जाधव यांनी दोन दिवसांची मुदत मागून घेतली. त्यानुसार महापालिकेच्या अधिकाऱ्यांनीही मुदत मान्य केल्याने अतिक्रमण निर्मूलन पथकाने मोहीम अर्ध्यावर सोडून काम बंद केले होते. याचे महापालिकेच्यावतीने चित्रीकरण करण्यात आले होते. नगरसेवक उपस्थित असतानाची छायाचित्रेही प्रसिद्ध झाली होती. मोहीम थांबवल्याने नगरसेवक अडचणीत येण्याची चर्चा दिवसभर महापालिका वर्तुळात होती. त्यामुळे नगरसेवक जाधव यांनी स्वतः थांबून अनाधिकृत केबिन्स काढून घेतल्या. अतिक्रमण निर्मूलन मोहिमेस विरोध करण्याचा हेतू नसल्याचेही जाधव यांनी पत्रकात म्हटले आहे.
दरम्यान, गांधीनगर येथील रस्त्यावर कोर्टाकडून स्थगिती असताना केल्या जात असलेल्या बांधकामाची शहर अभियंता नेत्रदिप सरनोबत व उपशहर अभियंता हर्षजीत घाटगे यांनी गुरुवारी दुपारी पाहणी केली. आठ दिवसानंतर नव्याने सुरू असलेल्या बांधकामावर कारवाई करण्यात येणार असल्याचे सरनोबत यांनी सांगितले.