कोल्हापूर: भाजप मेळाव्याहून येताना अपघात, ४ ठार

गडहिंग्लज:

भाजपचा मेळावा आटोपून परतत असताना गडहिंग्लज-महागाव रस्त्यावर कार्यकर्त्यांच्या सुमोला समोरून येणाऱ्या एसटी बसची धडक बसली. यात सुमोतील चार कार्यकर्ते जागीच ठार झाले.

सरंबळवाडी (ता. आजरा) येथे उद्योजक रमेश रेडेकर यांनी आयोजित केलेल्या भाजप कार्यकर्त्यांच्या मेळाव्यासाठी गडहिंग्लजमधील नूल येथून नामदेव चव्हाण हे आपल्या सात कार्यकर्त्यांसह गेले होते. मेळावा आटोपून परतताना गडहिंग्लज-महागाव रस्त्यावर अनिकेत हॉटेलनजीक कोल्हापूर-दोडामार्ग या बसने सुमोला जोरदार धडक दिली. त्यात सुमोचे मालक व चालक नामदेव चव्हाण, त्यांचा मुलगा मनोज चव्हाण, चंद्रकांत गरुड, आप्पा सुपले या चौघांचा मृत्यू झाला. राजू जाधव, दिलीप सुपले व राहुल सावंत हे तिघेही गंभीर जखमी आहेत.