म. टा. प्रतिनिधी, कोल्हापूर
बेंजो, ढोल ताशा, बँड, धनगरी ढोल अशा पारंपरिक वाद्यांच्या गजरात मंगळवारी सार्वजनिक मंडळांनी गणेशमूर्तीच्या वाजत जल्लोषी मिरवणुका काढल्या. त्यामुळे सलग दुसऱ्या दिवशीही पोलिसांनी डॉल्बी रोखण्यासाठी पथके सज्ज ठेवली.
सोमवारी अनेक सार्वजनिक मंडळांनी सायंकाळनंतर मिरवणुका काढून गणरायाच्या मूर्तीची प्रतिष्ठापना केली. मात्र, काही मंडळांच्या मूर्तींचे रंगकाम पूर्ण झाले नव्हते. काही मंडळांना ट्रॅक्टर, वाद्यवृंद, विद्युत रोषणाई, लाइट इफेक्ट्स, जनरेटर आदी साहित्य न मिळाल्याने अडचण झाली. अशा मंडळांनी मंगळवारी दुपारपासून मिरवणुकांची तयारी केली. ट्रॅक्टरवर मूर्ती ठेवण्यासाठी स्टेज बांधण्यासाठी कार्यकर्ते मग्न होते. सायंकाळी पाच वाजता बापट कॅम्प येथून मूर्ती आणण्यात आल्या. महानगरपालिका, मिरजकर तिकटी, पापाची तिकटी, गंगावेश येथून मिरवणुकांना सुरुवात झाली. रात्री लाइट इफेक्ट्सने रस्ते उजळून निघाले. यंदा ढोल पथकांचे आकर्षण असल्याने पांढरा सलवार कुर्ता, जाकीट, डोक्यावर भगवा फेटा अशा वेषातील ढोल पथकांतील कार्यकर्ते लक्ष वेधून घेत होते. प्रारंभी संथ सुरू होणारे ढोल वादन आणि कडाडणाऱ्या ताशावर कार्यकर्त्यांनी फेर धरला. डॉल्बी नसतानाही मंडळांनी बेंजोच्या तालावर नाचून हौस भागवली. कर्नाटक आणि इचलकरंजीतील बँडही अनेक मंडळाच्या मिरवणुकीत होते.
दरम्यान सायंकाळी पाच वाजण्याच्या सुमारास रेसकोर्स, गंजीमाळ परिसरातील डॉल्बीचा आवाज ऐकून जागरूक नागरिकांनी जुना राजवाडा पोलिसांना याची माहिती दिली. पोलिसांनी घटनास्थळी जाऊन डॉल्बी बंद केला. साऊंड सिस्टीमच्या मालकांना पोलिसांनी थेट कारवाईचा इशारा दिल्याने, मंडळाचे प्रमुख पदाधिकारी डॉल्बीचा आवाज वाढू नये याची दक्षता घेत होते. कसबा बावड्यातही सायंकाळनंतर जल्लोषी मिरवणुका निघाल्या. रात्री उशीरापर्यंत भगवा चौक ते शिये या मुख्य रस्त्यावर मिरवणुकांचा थाट कायम राहिला.
बेंजो, ढोल ताशा, बँड, धनगरी ढोल अशा पारंपरिक वाद्यांच्या गजरात मंगळवारी सार्वजनिक मंडळांनी गणेशमूर्तीच्या वाजत जल्लोषी मिरवणुका काढल्या. त्यामुळे सलग दुसऱ्या दिवशीही पोलिसांनी डॉल्बी रोखण्यासाठी पथके सज्ज ठेवली.
सोमवारी अनेक सार्वजनिक मंडळांनी सायंकाळनंतर मिरवणुका काढून गणरायाच्या मूर्तीची प्रतिष्ठापना केली. मात्र, काही मंडळांच्या मूर्तींचे रंगकाम पूर्ण झाले नव्हते. काही मंडळांना ट्रॅक्टर, वाद्यवृंद, विद्युत रोषणाई, लाइट इफेक्ट्स, जनरेटर आदी साहित्य न मिळाल्याने अडचण झाली. अशा मंडळांनी मंगळवारी दुपारपासून मिरवणुकांची तयारी केली. ट्रॅक्टरवर मूर्ती ठेवण्यासाठी स्टेज बांधण्यासाठी कार्यकर्ते मग्न होते. सायंकाळी पाच वाजता बापट कॅम्प येथून मूर्ती आणण्यात आल्या. महानगरपालिका, मिरजकर तिकटी, पापाची तिकटी, गंगावेश येथून मिरवणुकांना सुरुवात झाली. रात्री लाइट इफेक्ट्सने रस्ते उजळून निघाले. यंदा ढोल पथकांचे आकर्षण असल्याने पांढरा सलवार कुर्ता, जाकीट, डोक्यावर भगवा फेटा अशा वेषातील ढोल पथकांतील कार्यकर्ते लक्ष वेधून घेत होते. प्रारंभी संथ सुरू होणारे ढोल वादन आणि कडाडणाऱ्या ताशावर कार्यकर्त्यांनी फेर धरला. डॉल्बी नसतानाही मंडळांनी बेंजोच्या तालावर नाचून हौस भागवली. कर्नाटक आणि इचलकरंजीतील बँडही अनेक मंडळाच्या मिरवणुकीत होते.
दरम्यान सायंकाळी पाच वाजण्याच्या सुमारास रेसकोर्स, गंजीमाळ परिसरातील डॉल्बीचा आवाज ऐकून जागरूक नागरिकांनी जुना राजवाडा पोलिसांना याची माहिती दिली. पोलिसांनी घटनास्थळी जाऊन डॉल्बी बंद केला. साऊंड सिस्टीमच्या मालकांना पोलिसांनी थेट कारवाईचा इशारा दिल्याने, मंडळाचे प्रमुख पदाधिकारी डॉल्बीचा आवाज वाढू नये याची दक्षता घेत होते. कसबा बावड्यातही सायंकाळनंतर जल्लोषी मिरवणुका निघाल्या. रात्री उशीरापर्यंत भगवा चौक ते शिये या मुख्य रस्त्यावर मिरवणुकांचा थाट कायम राहिला.