म. टा. प्रतिनिधी,कोल्हापूर
मराठी नववर्षाचा पहिला दिवस, गुढी पाडव्याचा सण पारंपरिक पद्धतीने आणि मांगल्यपूर्ण वातावरणात मंगळवारी साजरा झाला. दारात काढलेल्या रांगोळ्या, सकाळच्या मंगलमय, आनंदी वातावरणात घरासमोर उभारल्या गेलेल्या गुढ्या अशा वातावरणात चैत्र महिन्याचे स्वागत झाले.
गुढीपाडव्याच्या तयारीची लगबग पहाटेपासून सुरू झाली असली तरी, सकाळी साडेआठपर्यंत अमावस्या असल्यामुळे महिलांना तयारीसाठी थोडा अवधी मिळाला. सकाळी साडेआठ वाजल्यानंतर काठीची स्वच्छ करून, त्याला जरतारी वस्त्र, चाफ्याची माळ, साखरमाळा, कडूनिंबाची पाने लावून सजविण्यासाठी आख्खे कुटुंब तयारीत गुंतले होते. सकाळी नऊ वाजल्यानंतर अंगणात रांगोळी काढून गुढीचे पूजन करण्यात आले. तर दुपारी बारा वाजता गुढीला पुरणपोळीचा नैवेद्य दाखवण्यात आला. शुभमुहूर्त असल्याने विविध वस्तूंच्या खरेदीबरोबरच अंबाबाईच्या दर्शनासाठी भाविकांची गर्दी झाली. दिवसभर सोशल मीडियावर नववर्षाच्या शुभेच्छांचा वर्षाव होत होता. तर ऑनलाइन शॉपिंग साइटवरही गेल्या काही दिवसांपासून ऑफर्सचा धमाका सुरू आहे. गुढीपाडव्या दिवशी अनेक शाळांमध्ये मुलांचे प्रवेश निश्चित झाले. मराठी आणि काही इंग्रजी माध्यमांच्या शाळांत आज मुहूर्चतावरील प्रवेश प्रक्रिया झाली.
मराठी नववर्षाचा पहिला दिवस, गुढी पाडव्याचा सण पारंपरिक पद्धतीने आणि मांगल्यपूर्ण वातावरणात मंगळवारी साजरा झाला. दारात काढलेल्या रांगोळ्या, सकाळच्या मंगलमय, आनंदी वातावरणात घरासमोर उभारल्या गेलेल्या गुढ्या अशा वातावरणात चैत्र महिन्याचे स्वागत झाले.
गुढीपाडव्याच्या तयारीची लगबग पहाटेपासून सुरू झाली असली तरी, सकाळी साडेआठपर्यंत अमावस्या असल्यामुळे महिलांना तयारीसाठी थोडा अवधी मिळाला. सकाळी साडेआठ वाजल्यानंतर काठीची स्वच्छ करून, त्याला जरतारी वस्त्र, चाफ्याची माळ, साखरमाळा, कडूनिंबाची पाने लावून सजविण्यासाठी आख्खे कुटुंब तयारीत गुंतले होते. सकाळी नऊ वाजल्यानंतर अंगणात रांगोळी काढून गुढीचे पूजन करण्यात आले. तर दुपारी बारा वाजता गुढीला पुरणपोळीचा नैवेद्य दाखवण्यात आला. शुभमुहूर्त असल्याने विविध वस्तूंच्या खरेदीबरोबरच अंबाबाईच्या दर्शनासाठी भाविकांची गर्दी झाली. दिवसभर सोशल मीडियावर नववर्षाच्या शुभेच्छांचा वर्षाव होत होता. तर ऑनलाइन शॉपिंग साइटवरही गेल्या काही दिवसांपासून ऑफर्सचा धमाका सुरू आहे. गुढीपाडव्या दिवशी अनेक शाळांमध्ये मुलांचे प्रवेश निश्चित झाले. मराठी आणि काही इंग्रजी माध्यमांच्या शाळांत आज मुहूर्चतावरील प्रवेश प्रक्रिया झाली.