कोल्हापूर:
महाराष्ट्राच्या राजकारणातील सुसंस्कृत परंपरेचं नवं उदाहरण आज कोल्हापूरमधील हातकणंगले इथं पाहायला मिळालं. हातकणंगलेमधून लोकसभा निवडणूक जिंकणारे शिवसेनेचे खासदार धैर्यशील माने यांनी आज पराभूत उमेदवार राजू शेट्टी यांच्या घरी जाऊन त्यांची सदिच्छा भेट घेतली. तसंच, नव्या वाटचालीसाठी शेट्टींच्या आईचे आशीर्वादही घेतले.
महाराष्ट्रातील लक्षवेधी लढतींपैकी एक असलेल्या हातकणंगले मतदारसंघात धैर्यशील माने यांनी स्वाभिमानी शेतकरी संघटनेचे प्रमुख राजू शेट्टी यांचा पराभव धक्कादायक पराभव केला. मात्र, प्रचारातील हेवेदावे बाजूला सारून नवनिर्वाचित खासदार माने यांनी आज शेट्टी यांची त्यांच्या घरी जाऊन भेट घेतली. शेट्टींनीही तितक्याच खुल्या दिलानं माने यांचं स्वागत केलं. माने यांना फेटा बांधून विजयाबद्दल त्यांचं अभिनंदन केलं. त्यानंतर धैर्यशील यांनी राजू शेट्टी यांच्या आईचे आशीर्वाद घेतले. या भेटीची जोरदार चर्चा कोल्हापूरमध्ये रंगली आहे.
महाराष्ट्राच्या राजकारणातील सुसंस्कृत परंपरेचं नवं उदाहरण आज कोल्हापूरमधील हातकणंगले इथं पाहायला मिळालं. हातकणंगलेमधून लोकसभा निवडणूक जिंकणारे शिवसेनेचे खासदार धैर्यशील माने यांनी आज पराभूत उमेदवार राजू शेट्टी यांच्या घरी जाऊन त्यांची सदिच्छा भेट घेतली. तसंच, नव्या वाटचालीसाठी शेट्टींच्या आईचे आशीर्वादही घेतले.
महाराष्ट्रातील लक्षवेधी लढतींपैकी एक असलेल्या हातकणंगले मतदारसंघात धैर्यशील माने यांनी स्वाभिमानी शेतकरी संघटनेचे प्रमुख राजू शेट्टी यांचा पराभव धक्कादायक पराभव केला. मात्र, प्रचारातील हेवेदावे बाजूला सारून नवनिर्वाचित खासदार माने यांनी आज शेट्टी यांची त्यांच्या घरी जाऊन भेट घेतली. शेट्टींनीही तितक्याच खुल्या दिलानं माने यांचं स्वागत केलं. माने यांना फेटा बांधून विजयाबद्दल त्यांचं अभिनंदन केलं. त्यानंतर धैर्यशील यांनी राजू शेट्टी यांच्या आईचे आशीर्वाद घेतले. या भेटीची जोरदार चर्चा कोल्हापूरमध्ये रंगली आहे.