म. टा. प्रतिनिधी, कोल्हापूर
केंद्र सरकारने नोटा बंदीचा निर्णय जाहीर केल्यानंतर काही सराफांच्या बँक खात्यांवरून अनियमित आर्थिक व्यवहार झाला आहे. कोट्यवधी रुपयांच्या जुन्या नोटा बँकेत भरल्याचा संशय प्राप्तीकर विभागाला आहे. त्यामुळे देशात अनेक ठिकाणी छाप्यांचे सत्र सुरू आहे. गुजरीतील दोन बड्या व्यापाऱ्यांवर प्राप्तीकरच्या पथकाने बुधवारी आणि गुरूवारी छापे टाकून कारवाई केली. या कारवाईत सराफांच्या व्यवहारांसह बँक खात्यांची चौकशी करण्यात आली.
काळ्या पैशाला आळा बसावा यासाठी केंद्र सरकारने ८ नोव्हेंबरला नोटा बंदीचा निर्णय जाहीर केला होता. या निर्णयानंतर बँकेतील खात्यांवर जुन्या नोटा जमा करण्यासाठी सरकारने मुदतही दिली होती. या मुदतीने काही सराफांनी कोट्यवधींच्या रकमा बँक खात्यांवर जमा केल्याचे निदर्शनास आले आहे. यामुळे प्रप्तीकरच्या अधिकाऱ्यांनी देशभरातील संशयास्पद व्यवहारांची तपासणी करण्यासाठी छापासत्र सुरू केले आहे. प्राप्तीकरच्या पथकाने कोल्हापुरातील गुजरीत बुधवारी आणि गुरूवारी दोन सराफांवर छापे टाकले. प्राप्तीकरच्या अधिकाऱ्यांसह संबंधित सराफांनीही कारवाईत कमालीची गोपनीयता बाळगली. छाप्यांची कारवाई झालेल्या दोन्ही सराफांचा होलसेल विक्री आणि खरेदीचा व्यवसाय आहे. अधिकाऱ्यांनी सराफांच्या दुकानातील हिशेबाची कागदपत्रे आणि बँकांचीही कागदपत्रे तपासली आहेत. नोटा बदलीत जुन्या नोटा मोठ्या प्रमाणात बँकेत भरल्याने ही कारवाई केल्याची चर्चा गुजरीत सुरू होती.
केंद्र सरकारने नोटा बंदीचा निर्णय जाहीर केल्यानंतर काही सराफांच्या बँक खात्यांवरून अनियमित आर्थिक व्यवहार झाला आहे. कोट्यवधी रुपयांच्या जुन्या नोटा बँकेत भरल्याचा संशय प्राप्तीकर विभागाला आहे. त्यामुळे देशात अनेक ठिकाणी छाप्यांचे सत्र सुरू आहे. गुजरीतील दोन बड्या व्यापाऱ्यांवर प्राप्तीकरच्या पथकाने बुधवारी आणि गुरूवारी छापे टाकून कारवाई केली. या कारवाईत सराफांच्या व्यवहारांसह बँक खात्यांची चौकशी करण्यात आली.
काळ्या पैशाला आळा बसावा यासाठी केंद्र सरकारने ८ नोव्हेंबरला नोटा बंदीचा निर्णय जाहीर केला होता. या निर्णयानंतर बँकेतील खात्यांवर जुन्या नोटा जमा करण्यासाठी सरकारने मुदतही दिली होती. या मुदतीने काही सराफांनी कोट्यवधींच्या रकमा बँक खात्यांवर जमा केल्याचे निदर्शनास आले आहे. यामुळे प्रप्तीकरच्या अधिकाऱ्यांनी देशभरातील संशयास्पद व्यवहारांची तपासणी करण्यासाठी छापासत्र सुरू केले आहे. प्राप्तीकरच्या पथकाने कोल्हापुरातील गुजरीत बुधवारी आणि गुरूवारी दोन सराफांवर छापे टाकले. प्राप्तीकरच्या अधिकाऱ्यांसह संबंधित सराफांनीही कारवाईत कमालीची गोपनीयता बाळगली. छाप्यांची कारवाई झालेल्या दोन्ही सराफांचा होलसेल विक्री आणि खरेदीचा व्यवसाय आहे. अधिकाऱ्यांनी सराफांच्या दुकानातील हिशेबाची कागदपत्रे आणि बँकांचीही कागदपत्रे तपासली आहेत. नोटा बदलीत जुन्या नोटा मोठ्या प्रमाणात बँकेत भरल्याने ही कारवाई केल्याची चर्चा गुजरीत सुरू होती.