वय १३, उंची २ फूट, वजन ९ किलो; मात्र या मुलाने केली अशी कमाल की संपूर्ण कोल्हापुरात चर्चा...

कोल्हापूर: हातकणंगले तालुक्यातील नवे पारगाव गावातल्या पाराशर हायस्कूलमधील एक आठवीत शिकणारा मुलगा एका प्रोजेक्टमुळे चर्चेत आला आहे. वय वर्षे १३ मात्र आणि उंची केवळ २ फूट असल्याने त्याला नेहमीच कोणत्या न कोणत्या अडचणींना सामोरे जावे लागत होते. यावरच उपाय म्हणून त्याने एक प्रोजेक्ट बनवला आणि बघता बघता हा मुलगा संपूर्ण कोल्हापूरात चर्चेत आला आहे. कोण आहे हा मुलगा काय बनवला आहे त्याने प्रोजेक्ट का होत आहे जाणून घेऊ.

गेल्या काही दिवसांपूर्वी हातकणंगले तालुक्यातल्या बाळासाहेब पाटील हायस्कूल या ठिकाणी ४९ व्या तालुकास्तरीय विज्ञान प्रदर्शनाचे आयोजन करण्यात आले होते. यामध्ये नवे पारगांव येथील पाराशर हायस्कूल मधील इयत्ता आठवीतील विद्यार्थी प्रसाद संजय जाधव या विद्यार्थ्याने सहभाग घेतला यामध्ये त्याने 'क्लँपिंग स्विच' हे उपकरण बनवले आणि या उपकरणाला उत्तेजनार्थ क्रमांक मिळाला. प्रसाद हा दिव्यांग असून त्याची उंची केवळ २ फूट नऊ इंच आहे. मात्र, आपल्या दिव्यांगावर मात करून हे उपकरण बनवले असल्याने त्याचे सर्वच स्तरातून कौतुक होत आहे.

हेही वाचा -फक्त १०-१२ बॉल्स खेळविण्यासाठी या खेळाडूला संघात घेऊ नका, गौतम गंभीर स्पष्टच बोलला

प्रसाद हा तेरा वर्षाचा असून त्याची उंची दोन फूट नऊ इंच आहे. तर वजन नऊ किलो आहे. त्याला सायकल चालवणे, विज्ञान उपकरण तयार करणे, चित्र काढणे, भाषणे करणे, विज्ञान प्रदर्शनामध्ये सहभाग घेण्याची प्रचंड आवड मात्र प्रसादची उंची ग्रोथ हार्मोन ग्रंथीची वाढ होत नसल्याने तेरा वर्षापर्यंत फक्त तीन फुटापर्यंत वाढली आहे.

हेही वाचा -फायनान्सवर ट्रॅक्टर घेतला, त्याच ट्रॅक्टरवर बसून वसुली एजंटने गर्भवतीला चिरडलं...

त्याला उंची वरील काम करण्यास नेहमी अडचण यायची जसे की लाईट लावणे, बटन क्लिक करणे पण या समस्येवर त्याने आपल्या बुध्दी च्या जोराने मात करत क्लँपिंग स्विच प्रोजेक्ट तयार केले आणि कमी उंची असणाऱ्या या प्रसाद पारगाव परिसरात कुतुहालाचा विषय ठरला आहे. त्याच्या प्रोजेक्टला उत्तेजनार्थ बक्षीस मिळालं असून यासाठी त्याला पाराशरचे प्राचार्य एस. वाय. काटे, पर्यवेक्षक यांचे प्रोत्साहन लाभले तर विज्ञान विभागाच्या प्रमुख स्वाती कोकीतकर व इतर विज्ञान शिक्षकांचे मार्गदर्शन लाभले.