म. टा. प्रतिनिधी, कोल्हापूर
देशभक्त रत्नाप्पाण्णा कुंभार जनता सेंट्रल को-ऑपरेटिव्ह कंझ्युमर्स स्टोअर्सच्या (जनता बझार) निवडणुकीमध्ये नाट्यमय घडामोडी घडत असून बुधवारी दिवसभर निवडणूक बिनविरोध करण्याचे प्रयत्न सुरू होते. त्यास यश येत असताना सायंकाळी प्रल्हाद चव्हाण व प्रकाश बोंद्रे यांच्या कुटुंबातील दोन सदस्यांना संधी कशासाठी? असा प्रश्न उपस्थित झाला. त्यामुळे पुन्हा दोन पॅनेल होण्याची शक्यता निर्माण झाली.
निवडणुकीत आमदार सतेज पाटील व माजी आमदार महादेवराव महाडिक आमने-सामने येण्याची शक्यता निर्माण झाल्याने संचालक शिष्टाईसाठी काँग्रेसचे जिल्हाध्यक्ष पी. एन. पाटील यांना साकडे घालणार आहेत. दरम्यान निवडणूक अधिकारी यांनी चव्हाण यांच्या पॅनेलला विमान तर विद्यमान चेअरमन उदय पोवार यांच्या पॅनेला कपबशी हे चिन्ह बुधवारी दिले.
बझारच्या १९ जागांसाठी ४३ उमेदवारांचे अर्ज शिल्लक आहेत. बुधवारी चिन्ह वाटपादरम्यान सर्व जुन्या संचालकांनी एकत्र येत निवडणुकीतील इर्ष्या संपविण्याचा प्रयत्न केला.
त्यानुसार पवार गटाला ११ तर चव्हाण गटाला ८ जागा दिल्या. चव्हाण गटाकडून प्रल्हाद चव्हाण व माजी महापौर सचिन चव्हाण, प्रकाश बोंद्रे व सुहास बोंद्रे अशा एकाच कुटुंबातील दोन सदस्यांना संधी का? यावरुन पुन्हा गटांची बोलणी फिसकटली. आमदार महाडिक यांनी कार्यकर्त्यांना निवडणूक लढवण्याच्या सूचना दिल्यानंतर रात्री उशीरापर्यंत समझोत्याचे प्रयत्न असफल ठरले. सचिन चव्हाण यांच्या नावाला विरोध झाल्यानंतर सर्व संचालकांनी गुरुवारी माजी आमदार पी. एन. पाटील यांची भेट घेण्याचे निश्चित केले आहे. त्यामुळे माजी आमदार पाटील यांच्या निर्णयानंतरच जनता बझारच्या निवडणुकीतील अनिश्चितता संपुष्टात येणार आहे. दरम्यान, दोन्ही गटांतील टोकाला गेलेला वाद पाहता समझोता कितपत होईल याबाबत साशंकता आहे. त्यावरच निवडणुकीचे भवितव्य अवलंबून आहे.
देशभक्त रत्नाप्पाण्णा कुंभार जनता सेंट्रल को-ऑपरेटिव्ह कंझ्युमर्स स्टोअर्सच्या (जनता बझार) निवडणुकीमध्ये नाट्यमय घडामोडी घडत असून बुधवारी दिवसभर निवडणूक बिनविरोध करण्याचे प्रयत्न सुरू होते. त्यास यश येत असताना सायंकाळी प्रल्हाद चव्हाण व प्रकाश बोंद्रे यांच्या कुटुंबातील दोन सदस्यांना संधी कशासाठी? असा प्रश्न उपस्थित झाला. त्यामुळे पुन्हा दोन पॅनेल होण्याची शक्यता निर्माण झाली.
निवडणुकीत आमदार सतेज पाटील व माजी आमदार महादेवराव महाडिक आमने-सामने येण्याची शक्यता निर्माण झाल्याने संचालक शिष्टाईसाठी काँग्रेसचे जिल्हाध्यक्ष पी. एन. पाटील यांना साकडे घालणार आहेत. दरम्यान निवडणूक अधिकारी यांनी चव्हाण यांच्या पॅनेलला विमान तर विद्यमान चेअरमन उदय पोवार यांच्या पॅनेला कपबशी हे चिन्ह बुधवारी दिले.
बझारच्या १९ जागांसाठी ४३ उमेदवारांचे अर्ज शिल्लक आहेत. बुधवारी चिन्ह वाटपादरम्यान सर्व जुन्या संचालकांनी एकत्र येत निवडणुकीतील इर्ष्या संपविण्याचा प्रयत्न केला.
त्यानुसार पवार गटाला ११ तर चव्हाण गटाला ८ जागा दिल्या. चव्हाण गटाकडून प्रल्हाद चव्हाण व माजी महापौर सचिन चव्हाण, प्रकाश बोंद्रे व सुहास बोंद्रे अशा एकाच कुटुंबातील दोन सदस्यांना संधी का? यावरुन पुन्हा गटांची बोलणी फिसकटली. आमदार महाडिक यांनी कार्यकर्त्यांना निवडणूक लढवण्याच्या सूचना दिल्यानंतर रात्री उशीरापर्यंत समझोत्याचे प्रयत्न असफल ठरले. सचिन चव्हाण यांच्या नावाला विरोध झाल्यानंतर सर्व संचालकांनी गुरुवारी माजी आमदार पी. एन. पाटील यांची भेट घेण्याचे निश्चित केले आहे. त्यामुळे माजी आमदार पाटील यांच्या निर्णयानंतरच जनता बझारच्या निवडणुकीतील अनिश्चितता संपुष्टात येणार आहे. दरम्यान, दोन्ही गटांतील टोकाला गेलेला वाद पाहता समझोता कितपत होईल याबाबत साशंकता आहे. त्यावरच निवडणुकीचे भवितव्य अवलंबून आहे.