सरस्वती तंतुवाद्य केंद्रामध्ये आल्ताफ सतारमेकर यांच्याकडून तंतुवाद्यनिर्मितीचे धडेही या विद्यार्थ्यांनी घेतले. सुरुवातीला या विद्यार्थ्यांनी भोपळ्यापासून विविध प्रकारची तंतुवाद्ये कशी तयार होतात याची माहिती घेतली. सतार, तंबोरा, दिलरुबा, सारंगी, स्वरमंडल, संतूर, रुद्रवीणा वाद्ये पाहून कशा पद्धतीने वाद्य तयार होतात याची माहिती अल्ताफ यांनी दिली.
नॅशनल इन्स्टिटयुट ऑफ टेक्नॉलॉजी ही देशातील एक नामांकित संस्था आहे. या संस्थेत प्रॉडक्ट टेक्नॉलॉजी विभागाच्या विद्यार्थ्यांना दरवर्षी एक प्रकल्प दिला जातो. त्याअंतर्गत त्यांनी वैविध्यपूर्ण वस्तू तयार करावयाच्या असतात. यंदा काही विद्यार्थ्यांनी तंतुवाद्यनिर्मितीचा प्रकल्प हाती घेतला होता. त्यासाठी १५ विद्यार्थ्यांनी तंतुवाद्य तयार करण्याचे धडे घेतले.