कोल्हापूर:
केंद्र सरकारच्या महत्त्वकांक्षी उडान योजनेचा बोजवारा उडाला आहे. या योजने अंतर्गत सुरू करण्यात आलेली कोल्हापूर-मुंबई, जळगाव- मुंबई आणि नाशिक-पुणे विमानसेवा अवघ्या दोन महिन्यात बंद पडली आहे. कामगारांचा तीन महिन्यांचा पगार थकविल्याने ही विमानसेवा बंद पडली असल्याचं सूत्रांचं म्हणणं आहे.
देशांतर्गत विमानसेवेला चालना देण्यासाठी उडान योजनेअंतर्गत यावर्षी एप्रिल महिन्यात विमानसेवा सुरू करण्यात आली होती. गेल्या २ महिन्यापासून कोल्हापूर-मुंबई आणि मुंबई-कोल्हापूर अशी विमानसेवा एअर डेक्कन कंपनीने सुरू केली होती. मात्र ही सेवा अचानक बंद केल्याने प्रवाशांचा अपेक्षाभंग झाला असून नाराजी पसरलेली आहे. तीन महिन्यांपासून कामगारांचा पगार थकविल्याने ही विमानसेवा बंद करण्यात आल्याचं सूत्रांनी सांगितलं.
दरम्यान, अचानकपणे ही विमानसेवा बंद करण्यात आल्याने कोल्हापूरचे खासदार धनंजय महाडिक यांनी संताप व्यक्त केला आहे. येत्या १५ दिवसात विमानसेवा सुरू केली नाही तर एअर डेक्कन कंपनीला ब्लॅक लिस्टमध्ये टाकण्याचा इशारा महाडिक यांनी दिला आहे. तसेच विमानसेवा १५ दिवसात सुरू न केल्यास शिफारस करुन इंडिगो कंपनीला ही सेवा सुरू करण्यासाठी मदत करणार असल्याची माहितीही त्यांनी दिली.
केंद्र सरकारच्या महत्त्वकांक्षी उडान योजनेचा बोजवारा उडाला आहे. या योजने अंतर्गत सुरू करण्यात आलेली कोल्हापूर-मुंबई, जळगाव- मुंबई आणि नाशिक-पुणे विमानसेवा अवघ्या दोन महिन्यात बंद पडली आहे. कामगारांचा तीन महिन्यांचा पगार थकविल्याने ही विमानसेवा बंद पडली असल्याचं सूत्रांचं म्हणणं आहे.
देशांतर्गत विमानसेवेला चालना देण्यासाठी उडान योजनेअंतर्गत यावर्षी एप्रिल महिन्यात विमानसेवा सुरू करण्यात आली होती. गेल्या २ महिन्यापासून कोल्हापूर-मुंबई आणि मुंबई-कोल्हापूर अशी विमानसेवा एअर डेक्कन कंपनीने सुरू केली होती. मात्र ही सेवा अचानक बंद केल्याने प्रवाशांचा अपेक्षाभंग झाला असून नाराजी पसरलेली आहे. तीन महिन्यांपासून कामगारांचा पगार थकविल्याने ही विमानसेवा बंद करण्यात आल्याचं सूत्रांनी सांगितलं.
दरम्यान, अचानकपणे ही विमानसेवा बंद करण्यात आल्याने कोल्हापूरचे खासदार धनंजय महाडिक यांनी संताप व्यक्त केला आहे. येत्या १५ दिवसात विमानसेवा सुरू केली नाही तर एअर डेक्कन कंपनीला ब्लॅक लिस्टमध्ये टाकण्याचा इशारा महाडिक यांनी दिला आहे. तसेच विमानसेवा १५ दिवसात सुरू न केल्यास शिफारस करुन इंडिगो कंपनीला ही सेवा सुरू करण्यासाठी मदत करणार असल्याची माहितीही त्यांनी दिली.