म. टा. प्रतिनिधी, कोल्हापूर
आयुक्तांनी घेतलेल्या अधिकाऱ्यांच्या आढावा बैठकीत घुसखोरी करून परिवहन समिती सभापती नियाज खान यांनी अधिकाऱ्यांना दम देण्याचा प्रकार सोमवारी दुपारी केला. याबाबत ‘माझी बैठक सुरू आहे. आपण नंतर बोलू’ असे आयुक्त डॉ. अभिजित चौधरी यांनी सांगूनही खान हे बैठकीतून निघून न गेल्याने ‘अशा प्रकारे अधिकाऱ्यांना बोलणे बरोबर नाही. अधिकाऱ्यांशी नीट बोला’ असे खडे बोल त्यांनी सुनावल्यानंतर खान बाहेर बैठकीबाहगेर पडले. त्यानंतर आयुक्तांची भेट घेण्यासाठी खान आयुक्त कार्यालयाबाहेर थांबले होते.
आयुक्त डॉ. अभिजित चौधरी विकासकामांबाबत प्रत्येक महिन्यात आढावा बैठक घेतात. आयुक्त कार्यालयाजवळील कॉन्फरन्स हॉलमध्ये सर्व विभागाचे प्रमुख तसेच अधिकारी बैठकीस उपस्थित असतात. सोमवारी सकाळी लोकशाही दिन झाल्यानंतर हॉलमध्ये आढावा बैठक घेण्यास सुरुवात केली. त्याचवेळी दुपारी एकच्या सुमारास परिवहन सभापती नियाज खान हॉलचा दरवाजा ढकलून थेट बैठकीत आले. बैठकीत उभे राहूनच त्यांनी उपशहर अभियंता एस. के. माने यांच्याकडे पहात, ‘तुम्हाला महापालिकेत येऊ देणार नाही. आयुक्तसाहेब तुमच्यासमोरच सांगतो, तुमच्या अधिकाऱ्यांना फिरु देणार नाही’ असा दम देण्यास सुरुवात केली. बैठकीत घुसखोरी करुन आयुक्तांसमोरच अधिकाऱ्यांना पदाधिकाऱ्याने दम देण्याच्या प्रकाराने उपस्थित सर्वजण अवाक झाले.
हा प्रकार आयुक्तांच्या लक्षात येताच, त्यांनी प्रथम दोनवेळा, ‘माझी अधिकाऱ्यांसमवेत बैठक सुरू असून आहे. आपण या विषयावर माझ्या कार्यालयात बोलू’ असे सांगितले. तरीही खान यांनी बैठकीतून न निघता अधिकाऱ्यांना दम देण्याचा प्रकार सुरूच ठेवला. नंतर आयुक्त चौधरी यांनी खान यांना ‘मी आहे, मला भेटा. माझ्याशी बोला. माझ्याकडे तक्रार करा. मी त्या अधिकाऱ्यांना विचारतो. पण तुम्ही अशा प्रकारे अधिकाऱ्यांना बोलणे बरोबर नाही. त्यांच्याशी नीट बोला. बैठक संपल्यानंतर आपण भेटू’ असे खडे बोल सुनावले. बैठक संपवण्यास मला बराच वेळ लागणार आहे असे आयुक्तांनी सांगितल्यानंतर खान ‘मी बाहेर थांबतो,’ असे सांगत बाहेर पडले. बैठक संपेपर्यंत खान आयुक्त कार्यालयात थांबून होते. याची चर्चा महापालिकेत होती.
खान यांच्याकडून तिसरा प्रकार
महापालिका कर्मचाऱ्यांच्या संपाच्या पार्श्वभूमीवर युनीयनसोबत सुरू असलेल्या बैठकीत सभापती खान यांनी अपशब्द वापरले होते. त्यावेळी कर्मचारी आक्रमक झाले होते. त्यानंतर राजारामपुरी विभागीय कार्यालयात कार्यकर्त्यांना घेऊन जाऊन अधिकाऱ्यांना शिवीगाळ क रण्याबरोबरच कामकाज बंद पाडण्याचा प्रकार केला होता. या दोन प्रकारानंतर थेट आयुक्तांच्या बैठकीत घुसून अधिकाऱ्यांना दम देण्याचा प्रकार खान यांच्याकडून झाला. खान यांच्याकडून वारंवार अधिकाऱ्यांना शिवीगाळ तसेच धमकावणीचे प्रकार होत असल्याचे दिसून येत आहे.
आयुक्तांनी घेतलेल्या अधिकाऱ्यांच्या आढावा बैठकीत घुसखोरी करून परिवहन समिती सभापती नियाज खान यांनी अधिकाऱ्यांना दम देण्याचा प्रकार सोमवारी दुपारी केला. याबाबत ‘माझी बैठक सुरू आहे. आपण नंतर बोलू’ असे आयुक्त डॉ. अभिजित चौधरी यांनी सांगूनही खान हे बैठकीतून निघून न गेल्याने ‘अशा प्रकारे अधिकाऱ्यांना बोलणे बरोबर नाही. अधिकाऱ्यांशी नीट बोला’ असे खडे बोल त्यांनी सुनावल्यानंतर खान बाहेर बैठकीबाहगेर पडले. त्यानंतर आयुक्तांची भेट घेण्यासाठी खान आयुक्त कार्यालयाबाहेर थांबले होते.
आयुक्त डॉ. अभिजित चौधरी विकासकामांबाबत प्रत्येक महिन्यात आढावा बैठक घेतात. आयुक्त कार्यालयाजवळील कॉन्फरन्स हॉलमध्ये सर्व विभागाचे प्रमुख तसेच अधिकारी बैठकीस उपस्थित असतात. सोमवारी सकाळी लोकशाही दिन झाल्यानंतर हॉलमध्ये आढावा बैठक घेण्यास सुरुवात केली. त्याचवेळी दुपारी एकच्या सुमारास परिवहन सभापती नियाज खान हॉलचा दरवाजा ढकलून थेट बैठकीत आले. बैठकीत उभे राहूनच त्यांनी उपशहर अभियंता एस. के. माने यांच्याकडे पहात, ‘तुम्हाला महापालिकेत येऊ देणार नाही. आयुक्तसाहेब तुमच्यासमोरच सांगतो, तुमच्या अधिकाऱ्यांना फिरु देणार नाही’ असा दम देण्यास सुरुवात केली. बैठकीत घुसखोरी करुन आयुक्तांसमोरच अधिकाऱ्यांना पदाधिकाऱ्याने दम देण्याच्या प्रकाराने उपस्थित सर्वजण अवाक झाले.
हा प्रकार आयुक्तांच्या लक्षात येताच, त्यांनी प्रथम दोनवेळा, ‘माझी अधिकाऱ्यांसमवेत बैठक सुरू असून आहे. आपण या विषयावर माझ्या कार्यालयात बोलू’ असे सांगितले. तरीही खान यांनी बैठकीतून न निघता अधिकाऱ्यांना दम देण्याचा प्रकार सुरूच ठेवला. नंतर आयुक्त चौधरी यांनी खान यांना ‘मी आहे, मला भेटा. माझ्याशी बोला. माझ्याकडे तक्रार करा. मी त्या अधिकाऱ्यांना विचारतो. पण तुम्ही अशा प्रकारे अधिकाऱ्यांना बोलणे बरोबर नाही. त्यांच्याशी नीट बोला. बैठक संपल्यानंतर आपण भेटू’ असे खडे बोल सुनावले. बैठक संपवण्यास मला बराच वेळ लागणार आहे असे आयुक्तांनी सांगितल्यानंतर खान ‘मी बाहेर थांबतो,’ असे सांगत बाहेर पडले. बैठक संपेपर्यंत खान आयुक्त कार्यालयात थांबून होते. याची चर्चा महापालिकेत होती.
खान यांच्याकडून तिसरा प्रकार
महापालिका कर्मचाऱ्यांच्या संपाच्या पार्श्वभूमीवर युनीयनसोबत सुरू असलेल्या बैठकीत सभापती खान यांनी अपशब्द वापरले होते. त्यावेळी कर्मचारी आक्रमक झाले होते. त्यानंतर राजारामपुरी विभागीय कार्यालयात कार्यकर्त्यांना घेऊन जाऊन अधिकाऱ्यांना शिवीगाळ क रण्याबरोबरच कामकाज बंद पाडण्याचा प्रकार केला होता. या दोन प्रकारानंतर थेट आयुक्तांच्या बैठकीत घुसून अधिकाऱ्यांना दम देण्याचा प्रकार खान यांच्याकडून झाला. खान यांच्याकडून वारंवार अधिकाऱ्यांना शिवीगाळ तसेच धमकावणीचे प्रकार होत असल्याचे दिसून येत आहे.