म. टा. प्रतिनिधी कोल्हापूर
महिलेचे लैंगिक शोषण करून जातीवाचक शिवीगाळ केल्याची फिर्याद राजारामपुरी पोलिस ठाण्यात दाखल झाली आहे. अॅड. चारूलता राजेंद्र चव्हाण (वय ५०), ऋतुराज राजेंद्र चव्हाण (२४) आणि राजेंद्र चव्हाण (५४, सर्व रा. सारंग अपार्टमेंट, सुधाकरनगर) या तिघांवर गुन्हे दाखल झाले आहेत. चव्हाण कुटुंबीयांनी धमकावून ६५ हजारांच्या रोख रकमेसह साडेपाच लाखांचे सोन्याचे दागिनेही जबरदस्तीने काढून घेतल्याची नोंद तक्रारीत केली आहे.
राजारामपुरी पोलिसांकडून मिळालेल्या माहितीनुसार, ऋतुराज चव्हाण याच्या घरापासून जवळच तक्रारदार महिलेचे घर आहे. चारूलता चव्हाण यांचे अधूनमधून तक्रारदार महिलेच्या घरी येणे-जाणे होते, त्यातून ऋतुराज व तक्रारदार महिलेची ओळख झाली. ऋतुराजने ओळखीचा गैरफायदा घेऊन २०१५ पासून संबंधित महिलेशी वारंवार लगट करून लैंगिक अत्याचार केला. ऋतुराजने अश्लील फोटो काढले आणि चित्रीकरणही मोबाइलमध्ये केले आहे. पीडित महिलेने फोटो आणि चित्रीकरण डिलीट करण्यास सांगितल्यानंतर ऋतुराजसह त्याची आई चारूलता आणि वडील राजेंद्र यांनी पीडितेस धमकावले. फोटो आणि चित्रीकरण डिलीट करण्यासाठी रोख ६५ हजार रुपयांसह पाच लाख ३७ हजार ५०० रुपयांचे सोन्याचे दागिनेही जबरदस्तीने काढून घेतले. या प्रकारानंतर चव्हाण दाम्पत्याने सार्वजनिक ठिकाणी जातिवाचक शिवीगाळ करून अपमानास्पद वागणूक दिली.
पीडित महिलेने शुक्रवारी (ता. १८) रात्री उशिरा राजारामपुरी पोलिस ठाण्यात चव्हाण कुटुंबीयांविरोधात फिर्याद दाखल केली असून, शहर पोलिस उपअधीक्षक डॉ. प्रशांत अमृतकर तपास करीत आहेत. याबाबत अॅड. चारूलता चव्हाण यांच्याशी संपर्क साधला असता, त्या म्हणाल्या, ‘संबंधित महिला जाणीवपूर्वक बदनामी करण्यासाठी खोटी तक्रार देऊन त्रास देत आहे. तिच्याविरोधात कोर्टात तक्रार दाखल केली आहे. पोलिसांनी याची योग्यप्रकारे चौकशी करावी.’
महिलेचे लैंगिक शोषण करून जातीवाचक शिवीगाळ केल्याची फिर्याद राजारामपुरी पोलिस ठाण्यात दाखल झाली आहे. अॅड. चारूलता राजेंद्र चव्हाण (वय ५०), ऋतुराज राजेंद्र चव्हाण (२४) आणि राजेंद्र चव्हाण (५४, सर्व रा. सारंग अपार्टमेंट, सुधाकरनगर) या तिघांवर गुन्हे दाखल झाले आहेत. चव्हाण कुटुंबीयांनी धमकावून ६५ हजारांच्या रोख रकमेसह साडेपाच लाखांचे सोन्याचे दागिनेही जबरदस्तीने काढून घेतल्याची नोंद तक्रारीत केली आहे.
राजारामपुरी पोलिसांकडून मिळालेल्या माहितीनुसार, ऋतुराज चव्हाण याच्या घरापासून जवळच तक्रारदार महिलेचे घर आहे. चारूलता चव्हाण यांचे अधूनमधून तक्रारदार महिलेच्या घरी येणे-जाणे होते, त्यातून ऋतुराज व तक्रारदार महिलेची ओळख झाली. ऋतुराजने ओळखीचा गैरफायदा घेऊन २०१५ पासून संबंधित महिलेशी वारंवार लगट करून लैंगिक अत्याचार केला. ऋतुराजने अश्लील फोटो काढले आणि चित्रीकरणही मोबाइलमध्ये केले आहे. पीडित महिलेने फोटो आणि चित्रीकरण डिलीट करण्यास सांगितल्यानंतर ऋतुराजसह त्याची आई चारूलता आणि वडील राजेंद्र यांनी पीडितेस धमकावले. फोटो आणि चित्रीकरण डिलीट करण्यासाठी रोख ६५ हजार रुपयांसह पाच लाख ३७ हजार ५०० रुपयांचे सोन्याचे दागिनेही जबरदस्तीने काढून घेतले. या प्रकारानंतर चव्हाण दाम्पत्याने सार्वजनिक ठिकाणी जातिवाचक शिवीगाळ करून अपमानास्पद वागणूक दिली.
पीडित महिलेने शुक्रवारी (ता. १८) रात्री उशिरा राजारामपुरी पोलिस ठाण्यात चव्हाण कुटुंबीयांविरोधात फिर्याद दाखल केली असून, शहर पोलिस उपअधीक्षक डॉ. प्रशांत अमृतकर तपास करीत आहेत. याबाबत अॅड. चारूलता चव्हाण यांच्याशी संपर्क साधला असता, त्या म्हणाल्या, ‘संबंधित महिला जाणीवपूर्वक बदनामी करण्यासाठी खोटी तक्रार देऊन त्रास देत आहे. तिच्याविरोधात कोर्टात तक्रार दाखल केली आहे. पोलिसांनी याची योग्यप्रकारे चौकशी करावी.’