म. टा. वृत्तसेवा वारणानगर
सहकारमहर्षी तात्यासाहेब कोरे यांच्या चोविसाव्या स्मृतिदिनी, गुरुवारी झालेल्या राष्ट्रीय कुस्ती मैदानात प्रथम क्रमांकाच्या अत्यंत चुरशीच्या लढतीत सोनिपत आखाड्याचा पैलवान, गतविजेत्या कृष्णकुमारने अखेरच्या क्षणी पाचव्या मिनिटांना दोन गुणांची आघाडी घेत रोहतक आखाड्याचा पैलवान सोमवीर याच्यावर मात करत जनसुराज्य शक्ती श्री केसरीचा किताब पटकावला. तब्बल अर्धा तास एकमेकांवर डाव-प्रतिडावाने मैदानात रंगत आली. कृष्णकुमारला जनसुराज्य शक्ती पक्षाचे संस्थापक, माजी मंत्री विनय कोरे यांच्या हस्ते जनसुराज्य शक्ती श्री केसरी किताब प्रदान करण्यात आला.
लक्षवेधी ठरलेल्या पहिल्या क्रमांकाच्या कुस्तीत पैलवान सोमवीर यानेही डाव-प्रतिडाव रंगला. मात्र अखेरच्या क्षणी दोन गुणांची आघाडी घेत पैलवान कृष्णकुमारने बाजी मारली. कृष्णकुमार आणि पैलवान सोमवीर यांच्यात खडाखडी झाली. सुमारे अर्धा तास डाव-प्रतिडावांची जुगलबंदी रंगली. तरीही निकालाचे चिन्ह दिसत नसल्याने पंचांनी दोघांना पाच मिनिटांचा अवधी दिला. कृष्णकुमारने गुणांची आघाडी घेत मैदान मारले. या कुस्तीसाठी पंच म्हणून संभाजी वरुटे यांनी काम पाहिले
दुसऱ्या क्रमांकाच्या कुस्तीत पैलवान गुरुप्रीत गौरवने एकलांगी डावावर एकेरी पट काढत दिल्लीच्या विक्रम कटियारवर विजय मिळवत वारणा साखर केसरी किताब पटकावला. वारणा शक्ती श्री कुस्ती महासंग्रामात नामवंत मल्लांच्या प्रमुख ३५ कुस्त्यांसह ३०० चटकदार कुस्त्या रंगल्या.
सायंकाळी पाचच्या सुमारास प्रमुख कुस्त्यांना सुरुवात झाली. सुरुवातीला मैदानाचे पूजन वारणा दूध संघाचे उपाध्यक्ष भाऊसाहेब गुळवणी, वारणा कारखान्याचे उपाध्यक्ष प्रतापराव पाटील यांच्या हस्ते झाले. दुसऱ्या क्रमांकाची वारणा साखर शक्ती किताबाची लढत मचवाड्याचा पैलवान गुरुप्रीत गौरव आणि हनुमान आखाड्याचा पैलवान नाशिक कुरेशी यांच्यात झाली. नासिर कुरेशीने घिस्सा डावावर गुरुप्रीत गौरवला आस्मान दाखवत वारणा साखर शक्ती श्रीचा किताब पटकावला.
वारणा समूहाचे नेते विनय कोरे यांचे पुत्र ज्योतिरादित्य याने ज्युनियर राष्ट्रीय विजेता सोनिपतचा पैलवान रवींद्र कुमार याच्याशी पहिल्याच प्रयत्नात चांगलीच झुंज दिली. सुमारे अर्धा तास चाललेल्या खडाखडीत ज्योतिरादित्य यांनी हे मैदान जिंकले. दूध साखर वाहतूक संस्थेमार्फत पुरस्कृत केलेली पै. नरसिंग यादव विरुद्ध हरियाणा केसरी सोनिपतचा पैलवान अमितकुमार यांच्यात झालेल्या कुस्तीत सिंगल नेल्सन डावावर नरसिंग यादवने विजय मिळवला.
महान भारत केसरी गंगावेस पैलवान माऊली जमदाडे आणि हरियाणा केसरी पैलवान दुष्यंत दलाल यांच्यातील लढतीत माऊलीने बँक थ्रो डावावर विजय मिळवला. पुण्याचा पैलवान बाला रफिक शेख आणि पैलवान सतनाम यांच्यातील अत्यंत चुरशीच्या आणि अटीतटीच्या लढतीत बाला रफिकने दुहेरी पटाचा डाव टाकत सतनामला चितपट केले. पैलवान समाधान पाटील आणि पैलवान बाबर यांच्यातील लढतीत समाधान पाटीलने घिस्सा डावावर विजय मिळवला. शिवछत्रपती अवॉर्ड विजेता पैलवान कौतुक डाफळे विरुद्ध रोहतकचा पैलवान आशू यांच्यात जोरदार लढत झाली. या लढतीत कौतुक डाफळे मोळी डावावर विजयी झाला. दावणगिरीचा पै. कार्तिक काटे आणि तानाजी झुंजूरके यांच्यातील लढतीत तानाजी झुंझुरकेने गुणावर विजय मिळवला.
भारत मदने आणि पैलवान रामेश्वर यांच्यात झालेल्या लढतीत भारत मदने निकाली डावावर विजयी झाला. तर विलास डोईफोडे आणि विजय गुटाळ यांच्यात झालेल्या लढतीत डोईफोडेने गुणांवर विजय मिळवला. मोहित मलिक आणि सिकंदर शेख यांच्या लढतीत सिकंदर शेखने मलिकला अस्मान दाखवले. रोहित कुमार आणि निलेश लोखंडे यांच्या लढतीत निलेश लोखंडे जखमी झाल्यामुळे रोहितकुमारला विजयी घोषित करण्यात आले. उपमहाराष्ट्र केसरी संग्राम पाटील विरुद्ध मोहित धनकट यांच्यातील लढतीत संग्राम पाटील एकचाक डावावर विजयी झाला.
पन्हाळा तालुक्यातील देवठाणेचे पैलवान मारुती पाटील आणि शाहूवाडी तालुक्यातील शिवारेचे दामाजी पाटील तसेच बादेवाडीचे दिवंगत पैलवान निलेश केंदूरकर यांना मरणोत्तर कुस्तीभूषण पुरस्कार देण्यात आला. मैदानात संतोष सुतार, कौतुक डाफळे, सिकंदर शेख, समाधान पाटील, बाला रफिक, बाबर या पैलवानांची उत्कृष्ट खेळाडू म्हणून निवड झाली. सामनावीर म्हणून भारत मदने याला एकवीस हजारांचे बक्षिस देण्यात आले. त्यांचा सत्कार विनय कोरे यांच्या हस्ते आणि युवा नेते विश्वेश कोरे यांच्या उपस्थितीत झाला. ध्यानचंद पुरस्कार विजेते पैलवान दादू चौगुले आणि शिवछत्रपती पुरस्कारप्राप्त राष्ट्रीय पंच संभाजी वरुटे यांचा सत्कार करण्यात आला.
या कुस्ती मैदानाला प्रसिद्ध कलाकार राणादा तथा हार्दिक जोशी उपस्थित होते. समित कदम, विश्वेश कोरे, राजू आवळे, संभाजी पाटील, प्रतापराव पाटील, विशांत महापुरे आदी उपस्थित होते.
सहकारमहर्षी तात्यासाहेब कोरे यांच्या चोविसाव्या स्मृतिदिनी, गुरुवारी झालेल्या राष्ट्रीय कुस्ती मैदानात प्रथम क्रमांकाच्या अत्यंत चुरशीच्या लढतीत सोनिपत आखाड्याचा पैलवान, गतविजेत्या कृष्णकुमारने अखेरच्या क्षणी पाचव्या मिनिटांना दोन गुणांची आघाडी घेत रोहतक आखाड्याचा पैलवान सोमवीर याच्यावर मात करत जनसुराज्य शक्ती श्री केसरीचा किताब पटकावला. तब्बल अर्धा तास एकमेकांवर डाव-प्रतिडावाने मैदानात रंगत आली. कृष्णकुमारला जनसुराज्य शक्ती पक्षाचे संस्थापक, माजी मंत्री विनय कोरे यांच्या हस्ते जनसुराज्य शक्ती श्री केसरी किताब प्रदान करण्यात आला.
लक्षवेधी ठरलेल्या पहिल्या क्रमांकाच्या कुस्तीत पैलवान सोमवीर यानेही डाव-प्रतिडाव रंगला. मात्र अखेरच्या क्षणी दोन गुणांची आघाडी घेत पैलवान कृष्णकुमारने बाजी मारली. कृष्णकुमार आणि पैलवान सोमवीर यांच्यात खडाखडी झाली. सुमारे अर्धा तास डाव-प्रतिडावांची जुगलबंदी रंगली. तरीही निकालाचे चिन्ह दिसत नसल्याने पंचांनी दोघांना पाच मिनिटांचा अवधी दिला. कृष्णकुमारने गुणांची आघाडी घेत मैदान मारले. या कुस्तीसाठी पंच म्हणून संभाजी वरुटे यांनी काम पाहिले
दुसऱ्या क्रमांकाच्या कुस्तीत पैलवान गुरुप्रीत गौरवने एकलांगी डावावर एकेरी पट काढत दिल्लीच्या विक्रम कटियारवर विजय मिळवत वारणा साखर केसरी किताब पटकावला. वारणा शक्ती श्री कुस्ती महासंग्रामात नामवंत मल्लांच्या प्रमुख ३५ कुस्त्यांसह ३०० चटकदार कुस्त्या रंगल्या.
सायंकाळी पाचच्या सुमारास प्रमुख कुस्त्यांना सुरुवात झाली. सुरुवातीला मैदानाचे पूजन वारणा दूध संघाचे उपाध्यक्ष भाऊसाहेब गुळवणी, वारणा कारखान्याचे उपाध्यक्ष प्रतापराव पाटील यांच्या हस्ते झाले. दुसऱ्या क्रमांकाची वारणा साखर शक्ती किताबाची लढत मचवाड्याचा पैलवान गुरुप्रीत गौरव आणि हनुमान आखाड्याचा पैलवान नाशिक कुरेशी यांच्यात झाली. नासिर कुरेशीने घिस्सा डावावर गुरुप्रीत गौरवला आस्मान दाखवत वारणा साखर शक्ती श्रीचा किताब पटकावला.
वारणा समूहाचे नेते विनय कोरे यांचे पुत्र ज्योतिरादित्य याने ज्युनियर राष्ट्रीय विजेता सोनिपतचा पैलवान रवींद्र कुमार याच्याशी पहिल्याच प्रयत्नात चांगलीच झुंज दिली. सुमारे अर्धा तास चाललेल्या खडाखडीत ज्योतिरादित्य यांनी हे मैदान जिंकले. दूध साखर वाहतूक संस्थेमार्फत पुरस्कृत केलेली पै. नरसिंग यादव विरुद्ध हरियाणा केसरी सोनिपतचा पैलवान अमितकुमार यांच्यात झालेल्या कुस्तीत सिंगल नेल्सन डावावर नरसिंग यादवने विजय मिळवला.
महान भारत केसरी गंगावेस पैलवान माऊली जमदाडे आणि हरियाणा केसरी पैलवान दुष्यंत दलाल यांच्यातील लढतीत माऊलीने बँक थ्रो डावावर विजय मिळवला. पुण्याचा पैलवान बाला रफिक शेख आणि पैलवान सतनाम यांच्यातील अत्यंत चुरशीच्या आणि अटीतटीच्या लढतीत बाला रफिकने दुहेरी पटाचा डाव टाकत सतनामला चितपट केले. पैलवान समाधान पाटील आणि पैलवान बाबर यांच्यातील लढतीत समाधान पाटीलने घिस्सा डावावर विजय मिळवला. शिवछत्रपती अवॉर्ड विजेता पैलवान कौतुक डाफळे विरुद्ध रोहतकचा पैलवान आशू यांच्यात जोरदार लढत झाली. या लढतीत कौतुक डाफळे मोळी डावावर विजयी झाला. दावणगिरीचा पै. कार्तिक काटे आणि तानाजी झुंजूरके यांच्यातील लढतीत तानाजी झुंझुरकेने गुणावर विजय मिळवला.
भारत मदने आणि पैलवान रामेश्वर यांच्यात झालेल्या लढतीत भारत मदने निकाली डावावर विजयी झाला. तर विलास डोईफोडे आणि विजय गुटाळ यांच्यात झालेल्या लढतीत डोईफोडेने गुणांवर विजय मिळवला. मोहित मलिक आणि सिकंदर शेख यांच्या लढतीत सिकंदर शेखने मलिकला अस्मान दाखवले. रोहित कुमार आणि निलेश लोखंडे यांच्या लढतीत निलेश लोखंडे जखमी झाल्यामुळे रोहितकुमारला विजयी घोषित करण्यात आले. उपमहाराष्ट्र केसरी संग्राम पाटील विरुद्ध मोहित धनकट यांच्यातील लढतीत संग्राम पाटील एकचाक डावावर विजयी झाला.
पन्हाळा तालुक्यातील देवठाणेचे पैलवान मारुती पाटील आणि शाहूवाडी तालुक्यातील शिवारेचे दामाजी पाटील तसेच बादेवाडीचे दिवंगत पैलवान निलेश केंदूरकर यांना मरणोत्तर कुस्तीभूषण पुरस्कार देण्यात आला. मैदानात संतोष सुतार, कौतुक डाफळे, सिकंदर शेख, समाधान पाटील, बाला रफिक, बाबर या पैलवानांची उत्कृष्ट खेळाडू म्हणून निवड झाली. सामनावीर म्हणून भारत मदने याला एकवीस हजारांचे बक्षिस देण्यात आले. त्यांचा सत्कार विनय कोरे यांच्या हस्ते आणि युवा नेते विश्वेश कोरे यांच्या उपस्थितीत झाला. ध्यानचंद पुरस्कार विजेते पैलवान दादू चौगुले आणि शिवछत्रपती पुरस्कारप्राप्त राष्ट्रीय पंच संभाजी वरुटे यांचा सत्कार करण्यात आला.
या कुस्ती मैदानाला प्रसिद्ध कलाकार राणादा तथा हार्दिक जोशी उपस्थित होते. समित कदम, विश्वेश कोरे, राजू आवळे, संभाजी पाटील, प्रतापराव पाटील, विशांत महापुरे आदी उपस्थित होते.