क्रांतिवीर नागनाथअण्णा यांच्या पत्नी कुसुमताई नायकवडी यांचे निधन

इस्लामपूर

क्रांतिवीर नागनाथअण्णा नायकवडी यांच्या पत्नी श्रीमती कुसुमताई नायकवडी यांचे बुधवारी (ता. १७) रात्री नऊच्या सुमारास निधन झाले. त्यांना मिरज मिशन हॉस्पिटलमध्ये उपचारासाठी दाखल केले होते. त्या ८८ वर्षाच्या होत्या.

गुरुवारी (ता. १८) सकाळी वाळव्याच्या हुतात्मा किसन अहिर विद्यालयात त्यांचे पार्थिव अंत्यदर्शनासाठी ठेवण्यात येईल. दुपारी १२.३० वाजता हुतात्मा विद्यालयापासून साखर शाळेच्या प्रांगणातील नागनाथअण्णा नायकवडी यांच्या समाधीस्थळापर्यंत अंत्ययात्रा निघेल. दुपारी १ वाजता त्यांच्यावर अंत्यसंस्कार करण्यात येणार आहेत.