दोन फोटो आहेत
राष्ट्रपतींच्या दौऱ्यात गांधी,
ओसवाल यांचा सहभाग
कोल्हापूर
राष्ट्रपती रामनाथ कोविंद द्विपक्षीय चर्चा व व्यापार वृध्दिसाठी १६ ते १९ जून या कालावधीत ग्रीस दौऱ्यावर रवाना झाले. त्यांच्यासोबत देशातील उद्योजकांच्या शिष्टमंडळात 'महाराष्ट्र चेंबर ऑफ कॉमर्स' चे उपाध्यक्ष ललित गांधी, महाराष्ट्र चेंबरच्या गव्हर्निंग काउन्सिलचे सदस्य जयेश ओसवाल यांचा समावेश आहे. राष्ट्रपती कोविंद १९ ते २३ जून या कालावधीत सुरीनाम आणि क्युबा या देशांना भेट देणार आहेत. भारत आणि ग्रीस या देशांतील राजनैतिक संबध दृढ करणे आणि द्विपक्षीय सहभाग वाढ, व्यापार उद्योग क्षेत्रातील विकासासाठी प्रयत्न करण्यासाठी हा दौरा आयोजित केला आहे. भारतीय उद्योजकांचे शिष्टमंडळ ग्रीसमधील आय. टी., उर्जा, सोलर पॉवर, कृषी प्रक्रिया उद्योग, फार्मास्युटीकल, पर्यटन, अंतरिक्ष विज्ञान, कृषितंत्रज्ञान या क्षेत्रातील उद्योजकांसोबत चर्चा करणार आहेत. भारतातून निर्यातीच्या संधी व भारतात संयुक्त प्रकल्प उभारणीबाबतच्या करारावर निर्णय घेण्यात येणार आहे.