कोल्हापूर टाइम्स टीम
माणगाव परिषद शताब्दी महोत्सव समितीच्यावतीने डॉ. बाबासाहेब आंबेडकर व भारतीय प्रजासत्ताक याविषयावर व्याख्यानमालेचे आयोजन करण्यात आले आहे. २६ व २७ जानेवारी रोजी दसरा चौकातील राजर्षी शाहू स्मारक भवन येथे सायंकाळी ६ वाजता व्याख्यान होणार आहे. समितीचे अध्यक्ष प्रा. विनय कांबळे यांनी पत्रकार परिषदेत ही माहिती दिली.
अध्यक्ष प्रा. कांबळे म्हणाले, 'माणगाव परिषदेचे यंदा शताब्दी वर्ष आहे. यानिमित्ताने या परिषदेचे महत्त्व व डॉ.आंबेडकर यांचे विचार समाजाला कळावेत यासाठी गेल्या आठ महिन्यांपासून विविध विषयांवर व्याख्यानमालेचे आयोजन केले जात आहे.
२६ रोजी भारतीय संविधान व लोकशाही या विषयावर सांगली येथील राज्यशास्त्राचे अभ्यासक प्रा. डॉ. विजय पाटील हे व्याख्यानमालेचे पहिले पुष्प गुंफणार आहेत. २७ रोजी शिवाजी विद्यापीठाच्या राज्यशास्त्र विभागप्रमुख डॉ. भारती पाटील या 'संविधानाचे श्रेष्ठत्व... आजच्या काळाची निकड' या विषयाची मांडणी करणार आहेत.'
पत्रकार परिषदेस प्रा. अशोक चोकाककर, प्रा. ए. बी. कांबळे उपस्थित होते.