म. टा. प्रतिनिधी, कोल्हापूर
राणी पद्मावती यांचे चरित्र उलगडून दाखवणाऱ्या आणि प्रदर्शनापूर्वीच वादग्रस्त ठरलेल्या ‘द लिजंड ऑफ पद्मावती’ सिनेमाच्या चित्रीकरणाची टीम कोल्हापुरात पन्हाळा येथील मसाई पठारवर दाखल झाल्याने सिने इंडस्ट्रीत कोल्हापूरचे नाव चर्चेत आले आहे. मसाई पठारवर सध्या या सिनेमातील युद्धाचा सीन चित्रीत केला जात आहे. राजस्थानमध्ये या सिनेमाच्या चित्रिकरणाला झालेल्या विरोधाच्या पार्श्वभूमीवर पठाराकडे जाणाऱ्या १५ किलोमीटरच्या परिसरात पोलिसांचा कडक बंदोबस्त ठेवण्यात आला आहे.
‘बाजीराव मस्तानी’नंतर संजय लीला भन्साली यांच्या बहुचर्चित ‘द लिजंड ऑफ पद्मावती’ या सिनेमाची घोषणा झाली. दरम्यान, सिनेमात राणी पद्मावती यांचा विकृत इतिहास दाखवला जाणार असल्याचा आरोप करत इतिहासप्रेमी नागरिक व संस्थांनी जयपूर येथे चित्रीकरणाला जोरदार विरोध केल्याची घटना गेल्या महिन्यात घडली. त्यानंतर काहीदिवस चित्रीकरण बंद होते. राजस्थान येथील चित्रीकरणाला विरोधामुळे महाराष्ट्रात चित्रीकरणाचा निर्णय घेण्यात आला. सिनेमातील युद्धाची दृश्ये चित्रीत करण्यासाठी आवश्यक लोकेशन्ससाठी सिनेमाच्या प्रॉडक्शन टीमने पन्हाळा येथील मसाई पठाराची जागा निश्चित केली. पन्हाळ्यातील ऐतिहासिक स्थळांची वैविध्यता असल्यामुळे येथे चित्रिकरणावर शिक्कामोर्तब झाले. युद्धाच्या चित्रीकरणासाठी घोडे, उंट असा लवाजमाही मागवण्यात आला.
स्थानिक कलाकारांना मिळाला रोजगार
द लिजंड ऑफ पद्मावती सिनेमातील युद्धाची दृश्ये मसाई पठारवर चित्रीत करण्यात येणार असल्यामुळे स्थानिक कलाकारांची मोठ्या प्रमाणात गरज आहे. मॉबसाठी सध्या टीममध्ये कोल्हापुरातील तीनशे कलाकारांना रोजगार मिळाला आहे. तसेच पन्हाळा परिसरातील खाद्यपदार्थ व्यावसायिक, जेवणाची ऑर्डर घेणारे उद्योजक यांनाही आर्थिक स्रोत निर्माण झाला आहे.
राणी पद्मावती यांचे चरित्र उलगडून दाखवणाऱ्या आणि प्रदर्शनापूर्वीच वादग्रस्त ठरलेल्या ‘द लिजंड ऑफ पद्मावती’ सिनेमाच्या चित्रीकरणाची टीम कोल्हापुरात पन्हाळा येथील मसाई पठारवर दाखल झाल्याने सिने इंडस्ट्रीत कोल्हापूरचे नाव चर्चेत आले आहे. मसाई पठारवर सध्या या सिनेमातील युद्धाचा सीन चित्रीत केला जात आहे. राजस्थानमध्ये या सिनेमाच्या चित्रिकरणाला झालेल्या विरोधाच्या पार्श्वभूमीवर पठाराकडे जाणाऱ्या १५ किलोमीटरच्या परिसरात पोलिसांचा कडक बंदोबस्त ठेवण्यात आला आहे.
‘बाजीराव मस्तानी’नंतर संजय लीला भन्साली यांच्या बहुचर्चित ‘द लिजंड ऑफ पद्मावती’ या सिनेमाची घोषणा झाली. दरम्यान, सिनेमात राणी पद्मावती यांचा विकृत इतिहास दाखवला जाणार असल्याचा आरोप करत इतिहासप्रेमी नागरिक व संस्थांनी जयपूर येथे चित्रीकरणाला जोरदार विरोध केल्याची घटना गेल्या महिन्यात घडली. त्यानंतर काहीदिवस चित्रीकरण बंद होते. राजस्थान येथील चित्रीकरणाला विरोधामुळे महाराष्ट्रात चित्रीकरणाचा निर्णय घेण्यात आला. सिनेमातील युद्धाची दृश्ये चित्रीत करण्यासाठी आवश्यक लोकेशन्ससाठी सिनेमाच्या प्रॉडक्शन टीमने पन्हाळा येथील मसाई पठाराची जागा निश्चित केली. पन्हाळ्यातील ऐतिहासिक स्थळांची वैविध्यता असल्यामुळे येथे चित्रिकरणावर शिक्कामोर्तब झाले. युद्धाच्या चित्रीकरणासाठी घोडे, उंट असा लवाजमाही मागवण्यात आला.
स्थानिक कलाकारांना मिळाला रोजगार
द लिजंड ऑफ पद्मावती सिनेमातील युद्धाची दृश्ये मसाई पठारवर चित्रीत करण्यात येणार असल्यामुळे स्थानिक कलाकारांची मोठ्या प्रमाणात गरज आहे. मॉबसाठी सध्या टीममध्ये कोल्हापुरातील तीनशे कलाकारांना रोजगार मिळाला आहे. तसेच पन्हाळा परिसरातील खाद्यपदार्थ व्यावसायिक, जेवणाची ऑर्डर घेणारे उद्योजक यांनाही आर्थिक स्रोत निर्माण झाला आहे.