sangli news : बापरे! बिबट्याच्या हल्ल्यात अकरा महिन्यांचे बालक ठार

म. टा. प्रतिनिधी, सांगलीः तडवळे (ता. शिराळा) येथे बिबट्याच्या हल्ल्यात ( leopard attack ) ऊसतोड मजुराच्या अकरा महिन्याच्या मुलाचा मृत्यू झाला आहे. ही घटना आज सोमवारी (ता. २२) दीड वाजण्याच्या सुमारास घडली. या घटनेनंतर पुन्हा एकदा शिराळा तालुक्यात ( shirala sangli ) बिबट्याची दहशत निर्माण झाली आहे.

तडवळे येथे जाईच्या विहिरीजवळ बंडा शामराव पाटील यांच्या शेतात ऊस तोड चालू होती. ऊस तोडण्यासाठी बीड जिल्ह्यातील ऊस तोड मजूर आले होते. एका मजूर दाम्पत्याने बाजूला असणाऱ्या झाडाच्या सावलीत अकरा महिन्याच्या बालकाला झोपवले होते. आज दुपारी दीड वाजण्याच्या सुमारास बिबट्याने बाजूलाच असणाऱ्या ओढ्याच्या दिशेने येऊन बाळाच्या दिशेने झेप घेतली. त्याला जबड्यात पकडून बिबट्या पळून जाऊ लागला. हा प्रकार मजुरांच्या लक्षात येताच त्यांनी आरडाओरडा केला. यानंतर बिबट्याने बाळाला टाकून पलायन केले. ताबडतोब त्या जखमी बाळास उचरासाठी दवाखान्यात दाखल केले. मात्र उपचारापूर्वीच त्याचा मृत्यू झाला.

Satej Patil: कर्नाटकातील लोकांनाही महाराष्ट्रात येण्यास बंदी घालणार!; सतेज पाटील यांचा इशारा

महाराष्ट्रातून कर्नाटकात जाताय?; थर्मल स्क्रीनिंग बंधनकारक

गेल्या दोन दिवसांपूर्वी याच परिसरात बिबट्याने लहान मुलांवर हल्ला केला होता.