म. टा. प्रतिनिधी, कोल्हापूर
श्री अंबाबाई मंदिराला भेट देणारे भाविक-पर्यटक ऐतिहासिक भवानी मंडपाला भेट देतात. त्यामुळे हा परिसर सुशोभित करण्याबरोबरच येथे ‘लाइट अँड साउंड शो’ प्रकल्प सुरू करण्याची घोषणा करण्यात आली होती. खुद्द पालकमंत्री चंद्रकांत पाटील यांनीच ते जाहीर केले होते. मात्र, या प्रकल्पाबाबत जिल्हाधिकारी कार्यालय व महापालिकेला काहीच माहिती नसल्याने ही घोषणा हवेतच राहणार असल्याची शक्यता वर्तवली जात आहे.
जिल्ह्यातील पर्यटनाला चालना मिळावी व पर्यटकांना परिसरातील वास्तूंचा इतिहास माहीत व्हावा, या उद्देशाने पावनखिंड, पन्हाळा किल्ला व भवानी मंडप येथे लाइट अॅँड साऊंड शोची घोषणा पालकमंत्री पाटील यांनी केली होती. पावनखिंड व पन्हाळा येथील शोसाठी पन्हाळा नगरपालिका, जिल्हा परिषद व सार्वजनिक बांधकाम विभागाने हालचाली सुरु केल्या आहेत. मात्र भवानी मंडपातील लाइट अँड साउंड शोबाबत अद्याप काहीच पावले उचलली नाहीत.
या संदर्भात जिल्हाधिकारी कार्यालयातील जिल्हा नियोजन मंडळाशी संपर्क साधला असता त्यांनी महापालिकेने अद्याप प्रस्ताव पाठवला नसल्याचे सांगितले. तर महापालिका वार्षिक अंदाजपत्रकात गुंतली असल्याने या प्रकल्पाचा अहवालच तयार केलेला नाही. त्यामुळे पालकमंत्र्यांची घोषणा हवेतच विरण्याची शक्यता व्यक्त केली जात आहे. अंबाबाई तीर्थक्षेत्र आराखड्याचे काम अंतिम टप्प्यात आले आहे. पूर्वीच्या फरास खान्याच्या इमारतीला जोडून हेरिटेज लूक असलेली दर्शन मंडपाची इमारत उभाण्यावर शिक्कामोर्तब होण्याची शक्यता आहे. तीर्थक्षेत्र आराखड्यासाठी पहिल्या टप्प्यातील ७२ कोटींचा निधीही मंजूर झाला आहे. दर्शन मंडप झाल्यावर भवानी मंडपात येणाऱ्या पर्यटक व भाविकांसाठी लाइट अँड साउंड शो सुरू करण्याचा करण्याचा विचार पालकमंत्री पाटील बोलून दाखवला होता. तसा प्रस्ताव तयार करण्याच्या सूचना दिल्या होत्या. मात्र प्रस्तावाची चांगली कल्पना असला तरी महापालिकेकडून त्याला वाटाण्याच्या अक्षता लावण्याची शक्यता वर्तवली जात आहे.
श्री अंबाबाई मंदिराला भेट देणारे भाविक-पर्यटक ऐतिहासिक भवानी मंडपाला भेट देतात. त्यामुळे हा परिसर सुशोभित करण्याबरोबरच येथे ‘लाइट अँड साउंड शो’ प्रकल्प सुरू करण्याची घोषणा करण्यात आली होती. खुद्द पालकमंत्री चंद्रकांत पाटील यांनीच ते जाहीर केले होते. मात्र, या प्रकल्पाबाबत जिल्हाधिकारी कार्यालय व महापालिकेला काहीच माहिती नसल्याने ही घोषणा हवेतच राहणार असल्याची शक्यता वर्तवली जात आहे.
जिल्ह्यातील पर्यटनाला चालना मिळावी व पर्यटकांना परिसरातील वास्तूंचा इतिहास माहीत व्हावा, या उद्देशाने पावनखिंड, पन्हाळा किल्ला व भवानी मंडप येथे लाइट अॅँड साऊंड शोची घोषणा पालकमंत्री पाटील यांनी केली होती. पावनखिंड व पन्हाळा येथील शोसाठी पन्हाळा नगरपालिका, जिल्हा परिषद व सार्वजनिक बांधकाम विभागाने हालचाली सुरु केल्या आहेत. मात्र भवानी मंडपातील लाइट अँड साउंड शोबाबत अद्याप काहीच पावले उचलली नाहीत.
या संदर्भात जिल्हाधिकारी कार्यालयातील जिल्हा नियोजन मंडळाशी संपर्क साधला असता त्यांनी महापालिकेने अद्याप प्रस्ताव पाठवला नसल्याचे सांगितले. तर महापालिका वार्षिक अंदाजपत्रकात गुंतली असल्याने या प्रकल्पाचा अहवालच तयार केलेला नाही. त्यामुळे पालकमंत्र्यांची घोषणा हवेतच विरण्याची शक्यता व्यक्त केली जात आहे. अंबाबाई तीर्थक्षेत्र आराखड्याचे काम अंतिम टप्प्यात आले आहे. पूर्वीच्या फरास खान्याच्या इमारतीला जोडून हेरिटेज लूक असलेली दर्शन मंडपाची इमारत उभाण्यावर शिक्कामोर्तब होण्याची शक्यता आहे. तीर्थक्षेत्र आराखड्यासाठी पहिल्या टप्प्यातील ७२ कोटींचा निधीही मंजूर झाला आहे. दर्शन मंडप झाल्यावर भवानी मंडपात येणाऱ्या पर्यटक व भाविकांसाठी लाइट अँड साउंड शो सुरू करण्याचा करण्याचा विचार पालकमंत्री पाटील बोलून दाखवला होता. तसा प्रस्ताव तयार करण्याच्या सूचना दिल्या होत्या. मात्र प्रस्तावाची चांगली कल्पना असला तरी महापालिकेकडून त्याला वाटाण्याच्या अक्षता लावण्याची शक्यता वर्तवली जात आहे.