कन्नड पाठ्यपुस्तकात मराठा साम्राज्याबद्दल अक्षेपार्ह लिखाण?; महाराष्ट्र एकीकरण समितीने घेतला आक्षेप

बेळगावः कन्नड व इंग्रजी पाठ्यपुस्तकार मराठा साम्राज्याविषयी आक्षेपार्ह लिखाण केल्याचा दावा बेळगावच्या महाराष्ट्र एकीकरण युवा समितीने केला आहे. त्या प्रकरणी महाराष्ट्र एकीकरण युवा समितीच्या वतीने जिल्हा शिक्षणाधिकाऱ्यांना निवेदन देण्यात आले.

इयत्ता नववीच्या कन्नड आणि इंग्रजी माध्यमाच्या समाजविज्ञान पाठ्यपुस्तकातील भाग २ मधील मोगल आणि मराठा या धड्यामध्ये छत्रपती संभाजी महाराज यांच्याबद्दल आणि छत्रपती शाहू महाराज दुसरे व मराठा साम्राज्याबद्दल आक्षेपार्ह, अपमानास्पद लिखाण करण्यात आले आहे, असा आरोप एकीकरण समितीकडून करण्यात आला आहे. तसंच, पुस्तकांमध्ये अश्या पद्धतीने चुकीचा इतिहास लिखाण करून लेखकांनी आपली वैचारिक दिवाळखोरी दाखवून दिली आहे, लिखाण करणाऱ्या लेखकांवर कायदेशीर कार्यवाही करण्यात यावी तसंच पुस्तक माघारी घेऊन नव्याने छपाई करण्यात यावी, अशी मागणी एकीकरण समितीने केली आहे.

नाशिक, मुंबईसाठी पुढील तीन तास महत्त्वाचे; वादळी वाऱ्यासह पावसाचा इशारा

पाठ्यपुस्तकातील आक्षेपार्ह लिखाणाबाबत दुरुस्ती न केल्यास आंदोलनाचा इशारा यावेळी महाराष्ट्र एकीकरण समितीने दिला आहे.पुस्तक माघारी घेऊन नव्याने छपाई करण्यात यावी. तसेच छत्रपती संभाजी महाराज आणि मराठ्यांचा गौरवशाली इतिहास नव्याने, सन्मानाने सामील करण्यात यावा. असे न झाल्यास तीव्र आंदोलन छेडू असा इशारा देखील एकीकरण समितीने दिला आहे.

निष्काळजीपणाचा कहर! ठाण्यात करोना लशीऐवजी रेबीजची लस दिली

छत्रपती संभाजी महाराज व शाहू महाराज यांचा इतिहास चुकीचा छापला असून तो मागे घ्यावा. तसंच, जिल्हाधिकाऱ्यांना निवेदन देण्यासाठी तासभर उभे होतो. मात्र, निवेदन घेण्यासाठी कोणताही अधिकारी उपस्थित नव्हते. पूर्व कल्पना देऊनही शिक्षणाधिकारी उपस्थित नव्हते, असे एकीकरण समितीचे शुभम शेळके यांनी म्हटलं आहे.