गडहिंग्लज
राज्यभर सुरु असलेल्या आंदोलनाच्या पार्श्वभूमीवर येथे अंगणवाडी कर्मचारी सभेमार्फत आंदोलन सुरु आहे. सोमवारी महिला व बालकल्याण मंत्री पंकजा मुंडे यांची प्रतिकात्मक तिरडी काढून निषेध व्यक्त करण्यात आला. यावेळी मोदी सरकार, मुख्यमंत्री देवेंद्र फडणवीस व मुंडे यांच्या निषेधार्थ घोषणाबाजी करीत आंदोलनकर्त्यानी तिरडीला खांदा दिला. ‘पंकजा मुंडे हाय हाय’ च्या घोषणांनी परिसर दणाणून गेला.
प्रलंबित मागण्यांसाठी ११ सप्टेंबरपासून राज्यभर अंगणवाडी सेविकांनी काम बंद आंदोलन सुरु केले आहे. तर गडहिंग्लज येथे सोमवार (ता.१८) पासून प्रांत कार्यालयासमोर धरणे आंदोलन सुरु आहे. गेल्या आठवड्याभरापासून सुरु असलेल्या आंदोलनाची तीव्रता वाढवत सभेच्यावतीने थाळी नाद मोर्चासह रास्ता रोको करण्यात आला. आंदोलनाची तीव्रता वाढवण्यासाठी सोमवारी सभेच्यावतीने पंकजा मुंडे यांची प्रतिकात्मक तिरडी मोर्चा काढण्यात आला.
दुपारी दीडच्या सुमारास प्रांत कार्यालयासमोरून प्रतिकात्मक तिरडी यात्रेला सुरवात झाली. यावेळी अंगणवाडी सेविकांनी तिरडीला स्वतः खांदा देत तिरडी यात्रेला सुरवात केली. तर संघटक बाळेश नाईक यांनी डोक्याला काळी ओढणी बांधून हातात मडके घेत यात्रेत सहभाग घेतला. शहराच्या मुख्य मार्गावरून पुढे वीरशैव चौक, नेहरु चौक, शिवाजी चौकातून नदीघाटावर स्मशानभूमीत मोर्चाची सांगता करण्यात आली.
दरम्यान, शहरातील अनेक सामाजिक व शैक्षणिक संघटनांनी आंदोलनाला पाठींबा दिला आहे. पोलिस पाटील संघटना, सरपंच संघटना यांनी आंदोलनस्थळी भेट देऊन पाठींबा दिला. यावेळी नगराध्यक्षा स्वाती कोरी, अंगणवाडी कर्मचारी सभेच्या जिल्हाध्यक्ष अंजना शारबिद्रे, तालुकाध्यक्षा राजश्री बाबाण्णावर, सुरेखा गायकवाड, शांता कोरवी, मंजुळा कोरवी, माधवी देसाई, कल्पना शिंत्रे, वंदना साबळे, रंजना गोइलकर, रेखा कांबळे, सुवर्णा राऊत आदींसह मोठ्या संख्येने अंगणवाडी कर्मचारी उपस्थित होत्या.
राज्यभर सुरु असलेल्या आंदोलनाच्या पार्श्वभूमीवर येथे अंगणवाडी कर्मचारी सभेमार्फत आंदोलन सुरु आहे. सोमवारी महिला व बालकल्याण मंत्री पंकजा मुंडे यांची प्रतिकात्मक तिरडी काढून निषेध व्यक्त करण्यात आला. यावेळी मोदी सरकार, मुख्यमंत्री देवेंद्र फडणवीस व मुंडे यांच्या निषेधार्थ घोषणाबाजी करीत आंदोलनकर्त्यानी तिरडीला खांदा दिला. ‘पंकजा मुंडे हाय हाय’ च्या घोषणांनी परिसर दणाणून गेला.
प्रलंबित मागण्यांसाठी ११ सप्टेंबरपासून राज्यभर अंगणवाडी सेविकांनी काम बंद आंदोलन सुरु केले आहे. तर गडहिंग्लज येथे सोमवार (ता.१८) पासून प्रांत कार्यालयासमोर धरणे आंदोलन सुरु आहे. गेल्या आठवड्याभरापासून सुरु असलेल्या आंदोलनाची तीव्रता वाढवत सभेच्यावतीने थाळी नाद मोर्चासह रास्ता रोको करण्यात आला. आंदोलनाची तीव्रता वाढवण्यासाठी सोमवारी सभेच्यावतीने पंकजा मुंडे यांची प्रतिकात्मक तिरडी मोर्चा काढण्यात आला.
दुपारी दीडच्या सुमारास प्रांत कार्यालयासमोरून प्रतिकात्मक तिरडी यात्रेला सुरवात झाली. यावेळी अंगणवाडी सेविकांनी तिरडीला स्वतः खांदा देत तिरडी यात्रेला सुरवात केली. तर संघटक बाळेश नाईक यांनी डोक्याला काळी ओढणी बांधून हातात मडके घेत यात्रेत सहभाग घेतला. शहराच्या मुख्य मार्गावरून पुढे वीरशैव चौक, नेहरु चौक, शिवाजी चौकातून नदीघाटावर स्मशानभूमीत मोर्चाची सांगता करण्यात आली.
दरम्यान, शहरातील अनेक सामाजिक व शैक्षणिक संघटनांनी आंदोलनाला पाठींबा दिला आहे. पोलिस पाटील संघटना, सरपंच संघटना यांनी आंदोलनस्थळी भेट देऊन पाठींबा दिला. यावेळी नगराध्यक्षा स्वाती कोरी, अंगणवाडी कर्मचारी सभेच्या जिल्हाध्यक्ष अंजना शारबिद्रे, तालुकाध्यक्षा राजश्री बाबाण्णावर, सुरेखा गायकवाड, शांता कोरवी, मंजुळा कोरवी, माधवी देसाई, कल्पना शिंत्रे, वंदना साबळे, रंजना गोइलकर, रेखा कांबळे, सुवर्णा राऊत आदींसह मोठ्या संख्येने अंगणवाडी कर्मचारी उपस्थित होत्या.